Uşağınız gecə yatağı isladır? - Səbəbi hər zaman tənbəllik və ya psixoloji problem deyil!
- 2026.07.23 16:14
- 132 Baxış
Bir çox valideyn uşağının gecə yatağı islatmasını "keçib gedəcək" və ya "uşaq tənbəldir" kimi qiymətləndirir.
Medicina.az xəbər verir ki, əslində isə 5 yaşdan sonra həftədə ən azı 2 dəfə gecə sidik qaçırma enurez adlanır və diqqət tələb edən bir vəziyyətdir.
Enurez niyə yaranır?
Ən çox rast gəlinən səbəblər bunlardır:
• Sinir sisteminin tam yetişməməsi
• Genetik meyillilik (valideynlərdə olubsa, risk artır)
• Dərin yuxu
• Sidik kisəsinin funksional kiçik həcmi
• Qəbizlik
• Stress və həyatdakı dəyişikliklər
• Bəzi hallarda sidik yolları infeksiyası və ya şəkərli diabet
Maraqlı fakt: Əgər hər iki valideyn uşaqlıqda enurez keçiribsə, övladlarında bu problemin yaranma ehtimalı 70%-dən çox ola bilər.
Enurez həmişə öz-özünə keçir?
Xeyr. Bir çox uşaqda yaş artdıqca problem azalır, lakin hər il yalnız təxminən 15% uşaqda spontan yaxşılaşma müşahidə olunur. Buna görə də uzun müddət davam edən enurezi "gözləyək, keçər" düşüncəsi ilə laqeyd qoymaq düzgün deyil.
Nə zaman həkimə müraciət etmək lazımdır?
Mütləq müayinəyə ehtiyac var, əgər:
• Uşaq 5 yaşdan böyükdür və gecə sidik qaçırır.
• Əvvəllər gecələr quru qaldığı halda sonradan yenidən başlayıb.
• Gündüz də sidik qaçırma, tez-tez sidiyə getmə və ya sidik ifrazı zamanı ağrı varsa.
• Həddindən artıq susuzluq və ya çəki itkisi müşahidə olunursa.
Enurez zamanı İnteqrativ tibb nəyi hədəfləyir?
İnteqrativ tibbdə məqsəd yalnız enurezi dayandırmaq deyil, problemin kök səbəbini müəyyən etməkdir.
Müalicə zamanı aşağıdakı amillər birlikdə qiymətləndirilir:
✔️ Sinir sisteminin inkişafı
✔️ Sidik kisəsinin funksiyası
✔️ Bağırsaq sağlamlığı və qəbizlik
✔️ Yuxu keyfiyyəti
✔️ Qidalanma vərdişləri
✔️ Stress və emosional vəziyyət
Lazım gəldikdə həkim nəzarəti altında biotənzimləyici preparatlar və akupunktura da kompleks müalicə planına əlavə oluna bilər. Məqsəd yalnız simptomu azaltmaq deyil, orqanizmin öz tənzimləmə mexanizmlərini dəstəkləməkdir.
Ən vacibi isə valideynlərin uşağı qınamamasıdır. Enurez uşağın günahı deyil. Düzgün diaqnostika, fərdi müalicə planı və səbirli yanaşma ilə əksər uşaqlarda bu problem uğurla idarə oluna bilir.
Bioloji Təbabət İnteqrativ Müalicə Mərkəzi
Ətraflı məlumat üçün: (012 / 050 / 055 / 070) 430 89 89
Aygün
Medicina.az
Ən Çox Oxunanlar
Yeni Xəbərlər
