Uşağınız niyə tez-tez qrip olur? - Səbəblər
- 2026.03.05 20:45
- 245 Baxış
Qışın gəlişi ilə uşaqlarda yuxarı tənəffüs yollarının infeksiyalarında əhəmiyyətli dərəcədə artım müşahidə olunur. İmmunitet sistemi hələ tam inkişaf etməmiş körpələr və məktəbəqədər yaşlı uşaqlar qrip və oxşar xəstəliklərə daha çox həssasdırlar. Mütəxəssislərin fikrincə, uşaqların tez-tez xəstələnməsində yalnız mövsümi şərtlər deyil, bir çox amillər rol oynayır. Lakin sadə tədbirlər infeksiya riskini xeyli azalda bilər.
Medicina.az xəbər verir ki, uşaqların tez-tez qrip (soyuqdəymə) olması çox vaxt normal sayılır, xüsusilə 1–3 yaş arasında. Çünki onların immun sistemi hələ tam güclənməyib.
Tez-tez qrip olmasının əsas səbəbləri:
1. İmmunitetin tam formalaşmaması
Balaca uşaqlar viruslara qarşı yeni- yeni müdafiə sistemi qurur, ona görə tez yoluxurlar.
2. Digər uşaqlarla təmas
Bağça, qonaqlıq və ya çox adamlı yerlərdə viruslar daha tez yayılır.
3. Vitamin və mineral çatışmazlığı
Xüsusilə dəmir, D vitamini və sink azlığı immuniteti zəiflədə bilər.
4. Yetərli qidalanmama və ya iştahsızlıq
Meyvə-tərəvəz, zülal az olduqda bədən viruslarla çətin mübarizə aparır.
5. Evdə quru hava və ya soyuq mühit
Quru hava burun selikli qişasını zəiflədir və viruslar daha asan daxil olur.
6. Passiv siqaret tüstüsü
Siqaret çəkilən mühitdə uşaqlar daha tez xəstələnir.
Nə etmək olar?
• Uşağın D vitamini və dəmir səviyyəsini nəzarətdə saxlamaq
• Gündəlik meyvə, tərəvəz, yumurta, ət, qatıq kimi qidalar vermək
• Otağı tez-tez havalandırmaq
• Uşağın əllərini tez-tez yumaq
• Yetərli yuxu və su içməsi
Həkimə müraciət etmək lazımdır əgər:
• Uşaq ayda bir neçə dəfə ağır xəstələnirsə
• Qızdırma çox yüksək olur və uzun çəkirsə
• Bronxit, sətəlcəm kimi ağırlaşmalar tez-tez olursa
Aygün
Medicina.az
Ən Çox Oxunanlar
Yeni Xəbərlər
