Uşaqlarda qızdırma nə vaxt təhlükəlidir? - Həkimdən ailələrə vacib xəbərdarlıqlar
- 2026.01.15 11:27
- 237 Baxış
Hər qızdırması olan uşağa dərhal dərman və ya antibiotik vermək düzgündürmü?
Hansı hallarda xəstəxanaya getməlisiniz?
Medicina.az xəbəe verir ki, türkiyəli pediatr Coşkun Saf ailələrin ən çox maraqlandığı sualları cavablandırıb.
Uşaqlarda qızdırmanın əsasən viruslu olduğunu və antibiotiklərin təsirsiz olduğunu xatırladan Dr. Coşkun Saf bildirib:
"Bakterial vəziyyət sübut edilmədən istifadə edilən hər bir antibiotik uşağınızın gələcək sağlamlığına zərər verəcək.
Uşaqlarda 38 dərəcədən yuxarı temperaturu qızdırma hesab edirik. Ailələr tərəfindən ən çox verilən suallardan biri qızdırmanın ölçülməsi üsulu ilə bağlıdır. Mərkəzi bədən istiliyi üçün ən dəqiq ölçmələr rektal və ya ağız ölçmələridir. Lakin, bunlar praktikada çətin olduğundan, qoltuqaltı, dəri və ya qulaq ölçmələrinə üstünlük veririk. Qulaq ölçmələri 5-6 aydan kiçik körpələr üçün uyğun olmaya bilər. Bu yaş qrupunda qoltuqaltı ölçmələrinə üstünlük verilməlidir".
Dr. Saf vurğulayıb ki, uşağın ümumi vəziyyəti qızdırma dərəcəsindən daha vacibdir:
“Uşağın yemək və içməkdə heç bir problemi yoxdursa, maye qəbul edə bilirsə, oynayırsa, göz təması qurursa və normal sosial reaksiyaları varsa, müəyyən dərəcədə qızdırmaya dözmək olar. Hər qızdırmanı dərhal salmaq və ya aradan qaldırmaq düzgün deyil. Çünki bilirik ki, müəyyən dərəcədə qızdırmanın immun sisteminə müsbət təsirləri var. Xüsusilə 3 aydan kiçik körpələrdə qızdırma daha ciddi qəbul edilməli və dərhal pediatr tərəfindən qiymətləndirilməlidir. Bundan əlavə, qızdırma 3 gündən çox davam edərsə və ya şiddətli qusma, səpgi, tənəffüs çətinliyi və ya qıcolma kimi simptomlarla müşayiət olunarsa, xəstəxanaya yerləşdirmə mütləqdir”.
Aygün
Medicina.az
Ən Çox Oxunanlar
Yeni Xəbərlər
