Uzunmüddətli vitamin qəbulu təhlükəlidirmi?
- 2026.07.28 11:49
- 312 Baxış
Türkiyəli enokrinolgiya və metabolik xəstəliklər üzrə mütəxəssis professor Dr. Cevdet Duran, vitamin əlavələrinin həkim tövsiyəsi və nəzarəti olmadan istifadə edilməməli olduğunu bildirdi.
Medicina.az xəbər verir ki, professor Dr. Cevdet Duran, vitaminlərin birbaşa enerji mənbəyi olmadığını, lakin bədəndə enerji istehsalının və metabolik proseslərin sağlam fəaliyyətində mühüm rol oynadığını bildirdi. O, balanslı və sağlam qidalanan və vitamin udulmasına təsir edən heç bir xəstəliyi olmayan şəxslərin tez-tez vitamin əlavələrindən müntəzəm istifadə etməyə ehtiyac duymadıqlarını vurğuladı.
Duran xatırlatdı ki, vitaminlər həllolma xüsusiyyətlərinə görə iki qrupa bölünür: yağda həll olan və suda həll olan vitaminlər. O, yağda həll olan vitaminlərin udulması üçün öd ifrazının lazım olduğunu, buna görə də bu vitaminlərin tox mədə ilə qəbul edilməsinin tövsiyə olunduğunu bildirdi.
Professor Duran, geniş yayılmış inancın əksinə olaraq, şüursuz və uzunmüddətli vitamin qəbulunun zərərsiz olmadığını bildirdi və əlavələrin, xüsusən də yüksək dozada qəbul edilənlərin müxtəlif orqan və sistemlərə mənfi təsir göstərə biləcəyini vurğuladı.
O, A vitamininin nəzarətsiz istifadəsinin qaraciyər zədələnməsinə və qaraciyər xəstəliklərinə, yüksək dozada və uzun müddətli B vitamini qəbulunun isə neyropatiya kimi nevroloji problemlərə səbəb ola biləcəyini qeyd etdi. Həddindən artıq C vitamini qəbulu böyrək daşlarının riskini artıra bilər, D vitamininin nəzarətsiz istifadəsi isə yüksək kalsium səviyyəsi, böyrək daşları, ürəkbulanma, qusma və kəllədaxili təzyiqin artması kimi ciddi vəziyyətlərə səbəb ola bilər. Yüksək dozada E vitamini qanaxma riskini artıra bilər, K vitamini isə qan laxtalanması meylini artırar.
Professor Duran vurğuladı ki, vitamin əlavələri yalnız real çatışmazlıq aşkar edildikdə və həkim tövsiyəsi ilə istifadə olunmalıdır.
Aygün
Medicina.az
Ən Çox Oxunanlar
Yeni Xəbərlər
