Bakıda 31 yaşlı qadın ona COVID-19 vaksini vurulmadığı üçün intihara cəhd etdiyini bildirib.
Medicina.az “Qafqazinfo”ya istinadən xəbər verir ki, bununla bağlı Salyan rayon sakini, 1991-ci il təvəllüdlü S.Ə. polisə müraciət edib. O qeyd edib ki, 2 saylı şəhər poliklinikasında həkim tərəfindən ona vaksin vurulmamasına görə qollarını kəsib.
Araşdırma zamanı isə onun intihara cəhd etdiyi təsdiq olunmayıb. Qadın ona vaksin vurulduqdan sonra artıq şikayətinin olmadığını bildirib.