1 həftə əvvəl çek-ap olunan hakim niyə vəfat etdi?
- 2025.05.13 16:14
- 180 Baxış
Samir Əliyevin qəfil vəfatı ilə bağlı yeni detallar - Bir həftə əvvəl check-up olunubmuş...
"Medicina" xəbər verir ki,49 yaşlı hakim dünən axşam infarkt keçirərək xəstəxanaya çatdırılsa da, həyatını xilas etmək mümkün olmayıb. Bu gün o, Qurd Qapısı qəbiristanlığında dəfn olunub.
Mərhumun yaxınlarının verdiyi məlumata görə, Samir Əliyev Azərbaycandan Türkiyəyə təhsil almaq üçün göndərilən ilk tələbələrdən biri olub. 1992-ci ildə Ankara Universitetinə daxil olan S.Əliyev daha sonra təhsilini Bakı Dövlət Universitetində davam etdirib və buranı hüquq ixtisası üzrə bitirib.
Maraqlıdır ki, Samir Əliyev bir həftə əvvəl özəl xəstəxanalardan birində ümumi check-up müayinəsindən keçib. Ürək damarları, exo, stress-test də daxil olmaqla bütün müayinələrdən keçən hakimdə heç bir problem aşkarlanmayıb. Buna baxmayaraq, dünən axşam saatlarında qəfil infarkt keçirərək vəfat edib.
Onun yaxınları bildirir ki, bu faciə ailə üçün gözlənilməz olub və həkimlərin müdaxiləsinə baxmayaraq, hakimin həyatını xilas etmək mümkün olmayıb.
Qeyd edək ki, Samir Əliyev 1976-cı ildə anadan olub. 1997-ci ildə Bakı Dövlət Universitetinin Hüquq fakültəsini, 2003-cü ildə isə Azərbaycan Respublikasının Prezidenti yanında Dövlət İdarəçilik Akademiyasını bitirib. Əmək fəaliyyətinə 1994-cü ildə Nəsimi Rayon Məhkəməsində məhkəmə katibi kimi başlayıb. 1998–2008-ci illərdə Ali Məhkəmədə vətəndaşların qəbul və müraciətlərinə baxılması şöbəsində baş məsləhətçi vəzifəsində çalışıb. 2008–2015-ci illərdə Sabunçu Rayon Məhkəməsinin hakimi olub. 2016-cı ildən isə Bakı Ağır Cinayətlər Məhkəməsində hakim kimi fəaliyyət göstərirdi.
Ən Çox Oxunanlar
Yeni Xəbərlər
