10-3-2-1-0 Qaydası - dərmansız yuxuya getməyin yolu
- 2026.07.08 22:04
- 97 Baxış
Sadə 10-3-2-1-0 qaydası yuxu keyfiyyətini yaxşılaşdıra bilər. Bu, müntəzəm axşam vərdişlərinin qurulmasına və bədənin təbii sirkad ritminin dəstəklənməsinə kömək edir.
Medicina.az son zamanlar məşhurlaşam metodu təqdim edir:
Yatmazdan 10 saat əvvəl – kofeindən çəkinin;
Yatmazdan 3 saat əvvəl – spirtli içkilərdən və ağır qidalardan çəkinin;
Yatmazdan 2 saat əvvəl – işi bitirin və stresli fəaliyyətlərdən çəkinin;
Yatmazdan 1 saat əvvəl – telefonunuzu, kompüterinizi və digər gadjetləri kənara qoyun;
0 – saatın zəngi çalan kimi yenidən basmadan oyanın.
Niyə yatmazdan 10 saat əvvəl kofeindən çəkinməlisiniz?
Kofein ən çox yayılmış stimullaşdırıcılardan biridir. Gün ərzində ayıq qalmağınıza kömək edə bilər, eyni zamanda yuxuya getməyinizə mane ola və yuxunuzun keyfiyyətini aşağı sala bilər.
Buna görə də qayda yatmazdan təxminən 10 saat əvvəl kofeindən çəkinməyi tövsiyə edir.
Məsələn, saat 23:00-da yatırsınızsa, son fincan qəhvənizi saat 13:00-dan gec olmayaraq içmək yaxşıdır.
Alkoqol yuxu rejimini poza və gecə oyanışlarına səbəb ola bilər. Buna görə də, insan tez yuxuya getsə belə, bədən daha az effektiv şəkildə bərpa olunur.
Yatmazdan dərhal əvvəl ağır qidalar yemək də istirahətə mane ola bilər. Onlar narahatlıq, ağırlıq hissi və ya ürəkbulanmaya səbəb ola bilər.
Stress və gərgin zehni işlər bədənin istirahət rejiminə keçməsinin qarşısını ala bilər.
Buna görə də, 10-3-2-1-0 qaydasının tərəfdarları işləri, mürəkkəb tapşırıqları və emosional yüklü söhbətləri yatmazdan təxminən iki saat əvvəl bitirməyi tövsiyə edirlər.
Aygün Musayeva
Ən Çox Oxunanlar
Yeni Xəbərlər
