10 il yalnız termosdan çay içən kişi öldü
- 2025.07.01 22:21
- 163 Baxış
10 il termosdan istifadə edən adam ağır metaldan zəhərlənərək ölüb.
“Medicina” xəbər verir ki, Tayvandlı kişi 10 ildən çoxdur sevimli termosunu dəyişmədən istifadə edib. O, hər yerdə yalnız termosdakı çaydan içib.
Təxminən bir il əvvəl kişinin səhhətində problemlər yaranmağa başlayıb və qan analizləri onun ağır metal zəhərlənməsindən əziyyət çəkdiyini göstərib. İnfeksiyanın mənbəyini müəyyənləşdirməyə çalışan həkimlər xəstənin hər gün eyni termosdan istifadə etdiyini müəyyən ediblər.
Konteyneri yoxlayandan sonra onun içərisində pas əmələ gəldiyini və bu, sahibinin ondan içkilər (məsələn, qəhvə, çay və şirə) saxlamaq üçün istifadə etməsinə mane olmadığını müəyyən etdilər. Xəstə pası aydın görsə də və termosunun paslanmayan materialdan hazırlanmadığını bilsə də, onu təmizləmək üçün yalnız sadə durulamaya güvənərək istifadə etməyə davam edib.
Termosun nə vaxt ağır metalları içkilərə qarışdırmağa başladığı bəlli deyil, lakin xəstə xəstəxanaya gələnə qədər artıq çox gec idi. Zəhərlənmə onun immun sisteminə təsir edib və həkimlərin bütün səylərinə baxmayaraq, o, ilkin diaqnozdan bir il keçməmiş pnevmoniyadan dünyasını dəyişib.
Mütəxəssislər paslanmayan polad termosları seçməyi, onları mütəmadi olaraq təmizləməyi və hər 2-3 ildən bir dəyişdirməyi məsləhət görürlər.
Aygün Musayeva
Ən Çox Oxunanlar
Yeni Xəbərlər
