5 min ildir xəstəliklərə çarə olan çay - ReseptResept

  • 2024.02.28 22:02
  • 1026 Baxış
5 min ildir xəstəliklərə çarə olan çay - Resept Resept
Hindistanın məşhur içkilərindən biri olan masala çayının 5 000 illik tarixi var. Uzun illər dərman hesab edilən bu çay süd və bəzi ədviyyatlar qarışdırılaraq əldə edilir.

Medicina.az xarici mediaya istinadən masala çayının sağlamlığa təsirlərini təqdim edir:

Masala çayı əsrlər boyu Hindistanda və Cənub-Şərqi Asiyada istehlak edilib. Qədim dövrlərdə hər cür ot və ədviyyatla dəmlənən çay zamanla indiki formasını alıb.

Masala çayı tərkibindəki ədviyyatlar sayəsində immunitet sistemini gücləndirən xüsusiyyətlərə malikdir. Bədəndən zərərli toksinləri çıxarmaq üçün əla içkidir.Tərkibindəki antioksidantların bolluğu maddələr mübadiləsini sürətləndirir. Asanlıqla arıqlamaq istəyənlər üçün uyğundur. Masala çayının məlum təsirlərinə stress və gərginliyi azaltmaq da daxildir.

Tərkibi:


- 2 stəkan su
- 2 stəkan camış südü
- 2 xörək qaşığı qara çay
- 5 ədəd mixək
- 2 ədəd hil
- 2 ədəd darçın çubuğu
- 1 çay qaşığı zəncəfil
- 1-2 ədəd badyan
- 3-4 ədəd qara istiot dənəsi
- Yarım çay qaşığı zirə

Hazırlanması:

Əvvəlcə kiçik bir qazana 2 stəkan su töküb qaynadın. Qaynayan suya qara çayı və daha sonra ədviyyatları əlavə edin. Çay zəif odda 5-8 dəqiqə qaynadıqdan sonra südü əlavə edin. 5 dəqiqə dəmləndikdən sonra çay hazırdır.

Çayı belə hazırlamaq əvəzinə, apteklərdən hazır şəkildə də alıb istifadə edə bilərsiniz.

Zövqə uyğun olaraq çaya şəkər və ya bal əlavə etmək olar.

Gül