Ağdam məktəbində koronavirusa kütləvi yoluxma
- 2021.10.20 15:42
- 2396 Baxış
Ağdam rayonu Rahib Məmmədov adına Mahrızlı kənd tam orta məktəbin direktoru Sudeyib Məhərrəmov müəllim və şagird heyəti arasında koronavirusa yoluxma halları ilə bağlı yayılan məlumata aydınlıq gətirib.
Direktor Oxu.Az-ın sorğusuna cavab olaraq bildirib ki, yalnız məktəbdə deyil, kənddə də insanlar koronavirusa yoluxub:
“Temperaturu olan uşaqların dərsə buraxılmasına icazə vermirik. Oktyabrın 15-də məktəbimizin iki müəlliminin temperaturu yüksək olduğu üçün dərsə gəlməyib. Bir müəllimimizdə koronavirus testi pozitiv çıxdığı üçün dərsə buraxılmır”.
O qeyd edib ki, məktəbdə xəstəliyin yayılması ilə bağlı Ağdam Rayon Təhsil Şöbəsinə məlumat verib:
“Oradan mənə bildirildi ki, rəsmi sənədlər Təhsil Nazirliyinə göndəriləcək. Dərslərin distant formada keçirilməsi üçün qərar verilə bilər”.
Ən Çox Oxunanlar
Yeni Xəbərlər
