Azərbaycanda 4 manatlıq dərman 10 manat oldu - Aylardır tapılmırdı....
- 2023.06.14 16:01
- 11567 Baxış
Bütün nevroloqların təyin etdiyi Türkiyə istehsalı məşhur Ataraks preparatı antihistamin təsirli olsa da yuxusuzluq və sakitləşdirici terapiyada da istifadə edilir. Kifayət qədər yaxşı mənimsənilən müasir preparat nevroloqlarla yanaşı, psixiatr, terapevt, cərrah və digərlərinin də təyin etdiyi dərmandır.
“Medicina” xəbər verir ki, Atarax 7 aydan yuxarı idi ki, apteklərdə tapılmırdı və bu defisit həkimləri, xəstələri narahat edirdi.
Nəhayət ki, Atarax apteklərə qayıdıb, amma 3.70 qəpik, 4 manata olan dərman 10 manata satışa çıxarılıb. Əzcaçılar tapılmadığı üçün indi dərmanın bu qiymətə gəldiyini bildirdi.
Sadə bir preparatın bir neçə ay içində 100 faizdən çox bahalaşması Azərbaycanda dərman monopoliyası və ya hoqqabazlığı və ya yarıtmazlığının daha bir nümunəsidir.
Məsələ ilə bağlı nə Səhiyyə Nazirliyi, nə Analitika Ekspertiza şöbəsi, nə də rəsmi qurumlara müraciət ünvanlamadım. Çünki onların illərdir mətbuatın başını piyləyib dolandırıcı və lazımsız cavablarını yazmaqdan bezmişəm.
Sadəcə yazdım: 3 manatlıq dərman 10 manat olub. Dərman Türkiyədə manatla cəmi 3 manatadır.
Aygün Musayeva
Ən Çox Oxunanlar
Yeni Xəbərlər
Atarax dərmanı hardan ala bilərəm
Salam
Salam atarax dərman lazımdı hardan ala bilərəm heç bir aptekdə yoxdu