"Bir sıra ölkələr dördüncü dalğanın başlanacağını bəyan edir" - HƏKİM
- 2021.03.29 16:54
- 2116 Baxış
COVID-19 xəstəliyi yenidən bütün dünyanı ağuşuna alaraq, sürətlə yayılmağa başlayıb. Con Hopkins Universitetinin məlumatına görə, pandemiya ili ərzində dünyada 114,5 milyon nəfər koronavirusa yoluxub, 2,5 milyon nəfər dünyasını dəyişib.
Bu barədə Mərkəzi Gömrük Hospitalının Poliklinika şöbəsinin rəisi, kardioloq Tamilla Əliyeva məlumat verib. O bildirib ki, virusun dördüncü dalğasından özümüzü qorumaq üçün gigiyenik normalara ciddi riayət edilməlidir.
“Bu ölkələr əsasən İran, İspaniya və Çindir. Son günlər koronavirusa yoluxanların sayının Rusiyada da yüksək artımı qeydə alınıb. “Arab News” agentliyinin məlumatına görə, İran Prezidenti Həsən Ruhani hələ fevral ayının 15-də ölkəyə koronavirusun dördüncü dalğasının yaxınlaşdığı barədə bəyan edib. Onun sözlərinə görə, İranın cənub-qərbində yerləşən bir sıra şəhərlərdə koronavirus böyük sürətlə yayılır. Pandemiya dövründə İranda 1,5 milyon yoluxma halı qeyd edilib, xəstələrdən 60 min nəfəri vəfat edib. Bu ölkədə COVID-19-a görə vaksinasiya fevral ayından başlanıb.
Honkonqda koronavirusa qarşı yeni məhdudiyyətlər tətbiq edilib. Honkonq Səhiyyə Nazirliyinin yaydığı məlumata görə, şəhər xəstəliyin yeni - dördüncü dalğası ilə qarşılaşıb. İspaniyanın baş həkimi Fernando Simon da dördüncü dalğanın başlanacağını ehtimal edir. O qeyd edir ki, dördüncü dalğanın yaxınlaşması ehtimalı var, lakin onun hansı formada gələcəyi hələ də davam edən üçüncü dalğanın nəticələrindən asılı olacaq. İspaniyanın “La Razon” nəşrinin məlumatına görə, bu ölkədə yoluxmanın yeni pik nöqtəsi mayın 9-da qeydə alınacaq. Rusiyada da koronavirusdan həyatını itirənlərin sayı dördüncü dalğanın başlanmasından xəbər verir”.
T.Əliyeva onu da qeyd edib ki, ABŞ-da koronavirusa yoluxmanın yeni sıçrayışı müşahidə olunub:
Amerika virusoloqları hesab edir ki, ABŞ yeni - dördüncü dalğanın astanasındadır və mövcud vaksinlər hələ ki, bu dalğaya qarşı effektivdir. Hazırda səhiyyənin qarşısındakı əsas vəzifə vaksinasiya prosesini sürətləndirməkdir.
Hələ ötən ay, fevralın 15-də türkiyəli həkim Şenol Atakan mutasiya olunmuş virusun səbəb olduğu yoluxma sayının artması ilə mart ayında yenidən alovlanma ola biləcəyindən narahatlığını bildirmişdi. O, mutant virusun daha yoluxucu və müqavimətli olduğunu açıqlamışdı. Şenol Atakan yenə də gigiyena, məsafə və maska qaydalarına ciddi əməl etmək lazım olduğunu vurğulamışdı”.
Ən Çox Oxunanlar
Yeni Xəbərlər
