Çox tərləyirəm, nə etməliyəm?
- 2026.06.17 23:14
- 212 Baxış
İnsan bədəninin ən təbii reaksiyalarından biri olan tərləmə bir çox fərqli səbəblərə görə baş verə bilər.
Medicina.az xəbər verir ki, həddindən artıq tərləmənin bir çox fərqli səbəbi olsa da, bu gün ən çox yayılmış səbəblərdən bəziləri bunlardır:
Genetik meyl. Hamiləlik, menopoz və yetkinlik kimi hormonal dəyişikliklər. İsti hava və idman.
Stress və əhval-ruhiyyə dəyişiklikləri. Qalxanvari vəzi problemləri. Diabet. Həddindən artıq spirtli içki qəbulu. Həddindən artıq çəki - piylənmə və s.
Həddindən artıq tərləmə şikayəti olan insanlar üçün bəzi gündəlik vərdişləri dəyişdirməklə effektiv nəticələr əldə etmək mümkündür.
Alma sirkəsi: Alma sirkəsi güclü qoxusuna görə çoxları tərəfindən sevilməsə də, təsirli bir üsul hesab edilə bilər. Antiseptik, göbələk əleyhinə və antibakterial xüsusiyyətləri tərləmə problemlərini əhəmiyyətli dərəcədə azaldır. Pambıq topu istifadə edərək təsirlənmiş bölgəyə alma sirkəsi çəkin. Qoxunu aradan qaldırmaq üçün səhər isti duş qəbul edin. Alternativ olaraq, tərləməni əhəmiyyətli dərəcədə azaltmaq üçün bir stəkan ilıq suya 1 və ya 2 çay qaşığı alma sirkəsi və bal əlavə edib gündə bir dəfə içə bilərsiniz.
Həddindən artıq tərləmənin qarşısını almağın digər təsirli üsulu çörək sodasıdır. Bədənə tətbiq edildikdə, çörək sodası artıq təri udur, nəmi neytrallaşdırır və tərləmə problemlərinin qarşısını alır. Bundan əlavə, pis qoxuları aradan qaldırmaq qabiliyyəti çörək sodasını ən təsirli təbii üsullardan birinə çevirir. 1 çay qaşığı çörək sodasını yarım stəkan su ilə qarışdırın, sonra bu qarışığı pambıqla tərləmənin intensiv olduğu bölgələrə çəkin. 15-20 dəqiqə saxlayın, sonra ilıq su ilə yuyun.
Qara çay: Tərləmənin qarşısını almaq üçün ən təsirli üsullardan biri olan qara çay, tərkibindəki turşular sayəsində ən böyük köməkçiniz olacaq. Həmçinin antibakterial xüsusiyyətlərə malikdir. Çaydanda və ya fincanda qara çay dəmlədikdən sonra çayı bir qaba tökün. Soyuduqdan sonra çayı pambıq ilə tərləmiş bölgəyə çəkin.
Aygün
Medicina.az
Ən Çox Oxunanlar
Yeni Xəbərlər
