Hansı içki kişiləri prostat xərçəngindən qoruyur?
- 2026.03.18 21:47
- 58 Baxış
Gündə üç stəkan espresso qəhvəsi içmək prostat xərçəngi riskini 50% azaldır.
Medicina.az xəbər verir ki, bu, İtaliyadakı Istituto Neurologico Mediterraneo Neuromed tədqiqatçılarının gəldiyi nəticədir.
İtalyan alimlərinə görə, səhər bir stəlan məhz espresso prostat şişləri riskini maksimum 53% azaltmağa kömək edir. Onların fikrincə, gündə üç stəkan espresso içmək kişi xərçənginin əsas növlərindən birinin inkişaf riskini yarıya endirir və qəhvə də şiş böyüməsini basdırır.
Statistika göstərir ki, təxminən hər altı kişidən birinə ömürləri boyu prostat xərçəngi diaqnozu qoyulacaq, lakin yalnız 36 kişidən biri bu xəstəlikdən öləcək. Prostat xərçəngi kişilər arasında ölümün üçüncü əsas səbəbi olduğundan, alimlər yüksək kofein istehlakının xəstəliyin yayılmasının azalmasına kömək edəcəyinə ümid edirlər.
Tədqiqatın müəllifləri mərkəzi İtaliya bölgəsində 7000 kişinin sağlamlığını dörd il ərzində izləyərək onların qəhvə istehlakını diqqətlə təhlil etdilər. Daha sonra tədqiqatçılar onların sağlamlıq vəziyyətini prostat şişlərinin yayılması ilə müqayisə etdilər.
Məlum oldu ki, gündə üç və ya daha çox stəkan espresso içənlərdə gündə iki və ya daha az stəkan içənlərlə müqayisədə bu növ xərçəngə tutulma halları 53% daha azdır. Daha sonra bu nəticələr laboratoriya təcrübələrində təsdiqləndi və tədqiqatçılar prostat xərçəngi hüceyrələrini qəhvə ekstraktına məruz qoydular. Məlum oldu ki, kofeinli ekstrakt müsbət təsir göstərib.
Burada qəhvə xüsusi italyan resepti ilə yüksək təzyiq altında qaynar su ilə və filtrsiz istehsal olunur. Bu üsul dünyanın digər yerlərində espresso hazırlanmasından əhəmiyyətli dərəcədə fərqlənir və nəticədə yerli qəhvədə bioaktiv maddələrin daha yüksək konsentrasiyası yaranır.
Aygün Musayeva
Ən Çox Oxunanlar
Yeni Xəbərlər
