Hovuzda bu geyimləri geyinmək qadağan edildi - Xəstəlik riski
- 2025.07.14 08:42
- 212 Baxış
Almaniyanın cənub-qərbindəki Baden-Vürtemberq əyalətindəki açıq hovuzlarda gigiyena səbəbilə tətbiq edilən yeni geyim qaydaları diqqət çəkib.
Medicina.az xəbər verir ki, yeni geyim qadağası gigiyenik səbəblərə görə elan edilib. Gigiyena qaydalarına əməl etməyən ziyarətçilərin xəbərdarlıq edilmədən hovuzdan kənarlaşdırılacağı vurğulanıb.
Məqsəd yoluxucu xəstəliklərin yayılmasının qarşısını almaq və temperaturun artması ilə daha çox sıxlaşan hovuzlarda suyun keyfiyyətini qorumaqdır.
Yerli hakimiyyət orqanlarının qərarına əsasən, bundan sonra hovuzlara yalnız xüsusi tikilmiş, bir-birinə uyğun üzgüçülük geyimlərinə icazə veriləcək.
Uzun şortlar, köynəklər, pambıq paltarlar və ya gündəlik geyim kimi geyinilən çimərlik paltarına bənzər geyimlər qəti qadağandır. Səlahiyyətlilər bildiriblər ki, yeni qaydalar bu geyimlərin mikrob və bakteriyaların ötürülməsinə həssas olduğu üçün tətbiq edilib.
Maddə49-da yayımlanan hesabata görə, gigiyena standartlarını yaxşılaşdırmaq məqsədi daşıyan yeni qaydalara əsasən, burkini və bəzi böyük cibli şort növləri artıq qadağan edilib.
Bəzi gənclərin çimərlik paltarının altına alt paltarı geyindirməsi də gigiyena riski hesab edilərək, bu əmələ son qoyulub. Üzgüçülük paltarının yalnız üzgüçülük məqsədləri üçün hazırlanması və uyğun materiallardan olması tələbi sərtləşdirilib.
Bu qaydalara əməl etməyənlərin hovuzdan çıxarılacağı açıqlanıb.
Eyni zamanda, rəsmilər digər açıq hovuzlarda da oxşar qaydaların tətbiqinin gözlənildiyini bildirdilər.
Aygün
Medicina.az
Ən Çox Oxunanlar
Yeni Xəbərlər
