Xəbərlər
Xəbərlər
İki deputat istefa verdi: Almaniyada maska qalmaqalı

İki deputat istefa verdi: Almaniyada maska qalmaqalı

2021.03.09 12:18
1413 Baxış

Almaniyada koronavirusa qarşı mübarizə tədbirləri çərçivəsində istifadə olunan maskaların satılması və bundan əldə edilən yüz minlərlə avroluq qazanc ətrafında yaranan qalmaqala görə iki deputat istefa verib.

Medicina.az xəbər verir ki, hakim Xristian Demokrat İttifaqından deputat Nikolas Löbel və Xristian Sosialist İttifaqından deputat Georq Nüsslaynın maska satışı zamanı nüfuzlarından istifadə etdikləri iddia edilib.

Bu qalmaqaldan sonra deputatlar istefa veriblər. N.Löbel və G.Nüsslayn maska satışı zamanı nüfuzlarından istifadə edildiyi üçün 250 min avro məbləğində komissiya haqqı alıblar.

Onlar mənsub olduqları partiyaya ziyan vurmamaq üçün istefa verdiklərini və 2021-ci ilin sentyabrında keçiriləcək parlament seçkilərində deputatlığa bir daha namizəd olmayacaqlarını bildiriblər.