Maqnezium çatışmazlığı üçün bu qidalardan yeyin
- 2025.05.24 15:26
- 93 Baxış
Yorğunluq, əzələ krampları və yuxu problemlərinə səbəb ola bilən maqnezium çatışmazlığı düzgün qidalarla təbii şəkildə aradan qaldırıla bilər.
Medicina.az xəbər verir ki, indiki vaxtda stress, intensiv temp və balanssız qidalanma vərdişləri səbəbindən maqnezium çatışmazlığı daha çox yayılıb. Orqanizmdə baş verən yüzlərlə bioloji reaksiyada rol oynayan bu mineralın çatışmazlığı zəiflik, əzələ krampları, baş ağrısı, əsəbilik, ürək ritminin pozulması və yuxu problemləri kimi bir çox əlamətlərlə özünü göstərər.
Lakin bu vacib mineralın çatışmazlığını təbii vasitələrlə aradan qaldırmaq mümkündür. Maqneziumla zəngin qidaların müntəzəm qəbulu həm çatışmazlığın qarşısını alır, həm də ümumi sağlamlığı qoruyur.
Maqneziumla zəngin olan əsas qidalar bunlardır:
- Yaşıl yarpaqlı tərəvəzlər: İspanaq, pazı kimi tərəvəzlər maqneziumun ən yaxşı mənbələri arasındadır.
- Fındıq və toxum: Badam, anakardiya, fındıq, balqabaq tumu və günəbaxan tumlarında həm sağlam yağlar, həm də maqnezium var.
- Paxlalılar: Mərci, lobya və noxud kimi qidalar həm lif, həm də maqnezium baxımından zəngindir.
- Bütün taxıllar: Yulaf, bulqur və qəhvəyi düyü kimi bütün taxıllar təmizlənmiş qidalardan daha yüksək səviyyədə maqnezium ehtiva edir.
- Tünd şokolad: 70 faiz və ya daha çox kakao olan tünd şokoladlar da maqnezium ehtiyacını artıra bilər.
- Avokado və banan: Maqnezium və kalium ehtiva edən bu meyvələr sağlam qəlyanaltı alternativi təklif edir.
Maqnezium çatışmazlığı uzun müddət diqqətdən kənarda qalarsa, xroniki yorğunluq, depressiya və ürək xəstəlikləri kimi daha ciddi problemlərə yol aça bilər. Bu səbəbdən simptomlar nəzərə alınmalı və lazım olduqda həkim nəzarəti altında əlavə dəstək alınmalıdır.
Aygün
Medicina.az
Ən Çox Oxunanlar
Yeni Xəbərlər
