Qrip və koronavirus peyvəndi eyni gündə vurula bilərmi? - Professor açıqladı
- 2021.09.23 12:00
- 1583 Baxış
"Qrip və koronavirus peyvəndi eyni gündə vurula bilər".
Medicina.az xəbər verir ki, bunu türkiyəli professor Vefik Arıca deyib:
“Qrip peyvəndi risk qrupunda olan 6 ay və yuxarı uşaqlara, yetişkinlərə və 65 yaşdan yuxarı xroniki xəstəliyi olanlara tövsiyə edilir. Koronavirusla qrip peyvəndi arasında hansısa bir əngəl yoxdur. Çünki ikisi də canlı vaksin deyil. Adətən canlı peyvəndlər arasında 1 ay və ya 28 gün keçməlidir. Amma qrip və koronavirus peyvəndi arasında ara verməyə ehtiyac yoxdur. Eyni gün və ya bir gün ara ilə vurdurmaq olar. Hər iki vaksində ilk 24-48 saat ərzində şişkinlik, qızartı, halsızlıq kimi təsirlər ola bilər. Bu hər 10 nəfərdən 2-də rastlanılır. Eyni gündə hər iki vaksinin vurulması daha təsirlidir. Mütəxəssis olaraq bunu məsləhət görürəm, insanlar üçün faydalı olacaq”.
Ən Çox Oxunanlar
Yeni Xəbərlər
