Süd məhsullarında kişi hormonları var – Təsiri
- 2024.04.06 19:35
- 539 Baxış
Süddə olan androgenlər dəridə iltihab, civzə və səpkiləri artıra bilər.
“Medicina” xəbər verir ki, dermatoloq Andrey Kuznesov akne xəstəliyində süd məhsullarının rolundan danışıb.
“Akne piy vəzilərinin xəstəliyidir, orqanizmdə hormonal dəyişiklik, daha çox kişi cinsiyyət hormonlarının çoxalması fonunda baş verir.
Piy vəziləri normadan artıq dəri sekreti hasil edir, nəticədə Cutibacterium acnes bakteriyalarının çoxalmasına, həmin sahədə iltihab, qızarma və səpkilərə səbəb olur.
Bir çox tədqiqatlar sübut edib ki, çox miqdarda süd və təzə süd məhsulları xüsusən şəkərli olarsa, orqanizmdə androgenlər çoxalır.
Çörək və un məmulatları isə qanda şəkəri və insulin hasilini artırır, nəticədə insulinrezisdentlik yaradır.
Bu da dəri piy vəzilərinin sekresiyasını artırır, nəinki üzdə, bədəndə də iltihab və səpkilər çıxır.
Ona görə akne müalicəsində 50% dərmandırsa, 50% pəhrizdir.
Müalicə ərəfəsində süd və süd məhsullarını, eləcə də şirniyyatı çıxarmaq lazımdır. Daha çox tərəvəz, meyvələr yeyin, antioksidant təsirli giləmeyvələr seçin”.
Aygün Musayeva
Ən Çox Oxunanlar
Yeni Xəbərlər
