Təmizləyici kimyəvi maddələri qarışdırmaq olmaz - Öldürür
- 2025.12.12 14:12
- 75 Baxış
Türkiyədə Trabzonda üç uşaq anasının ev təmizliyi zamanı təmizləyici məhsulları qarışdırarkən yayılan zəhərli qazdan ölməsi kimyəvi maddələrin düzgün istifadəsi məsələsini bir daha ön plana çıxarıb.
Medicina.az xəbər verir ki, daxili xəstəliklər üzrə mütəxəssis Prof. Dr. Şehmus Özmen xəbərdarlıq edib.
O, bildirib ki, yanlış məhsulların qarışdırılması saniyələr ərzində ölümcül qaz yarada bilər. Təəssüf ki, kimyəvi maddələrin şüursuz istifadəsi geri dönməz nəticələrə gətirib çıxarır. Təmizləyici məhsullarla əlaqəli zərər ciddi bir ictimai səhiyyə problemidir. Ən təhlükəli səhvlərdən biri bu kimyəvi maddələri bir-birinə qarışdırmaqdır. Hadisədə də göründüyü kimi, ağardıcı və səth təmizləyicilərinin birlikdə istifadəsi ölümcül ola bilər".
Prof. Dr. Özmen əlavə edib ki, zəhərli qazın təsirləri əksər insanlara məlum deyil:
“Bu qarışım xloramin qazı yaradır. Nəfəs aldıqda, ağır ağciyər zədələnməsinə, tənəffüs çatışmazlığına və ürəyə ciddi təsir göstərə bilər ki, bu da potensial olaraq ölümə səbəb olar. Bundan əlavə, bu məhsulların bəziləri dəri qıcıqlanmasına, kanserogen təsirlərə və ya beyində toplanaraq nevroloji xəstəliklərə səbəb ola bilər".
Şehmus Özmen, təmizləyici məhsulların istehsalçının təlimatlarına uyğun olaraq istifadəsinin həyati əhəmiyyətini vurğulayıb.
Özmen, maska, əlcək və eynək kimi qoruyucu vasitələrin laqeyd edilməməli olduğunu və kimyəvi məhsulların qapalı və havasız mühitlərdə istifadəsinin zəhərlənmə riskini artırdığını bildirdi.
Ən vacib xəbərdarlıqlardan birinin “kimyəvi maddələri heç vaxt qarışdırmamaq” olduğunu bildirən Özmen, zəhərlənmə simptomları yaşayan şəxslərin dərhal təcili yardıma zəng etməli olduqlarını xatırladıb.
Aygün
Medicina.az
Ən Çox Oxunanlar
Yeni Xəbərlər
