Təzyiqi evdə ölçərkən bu səhvlərə yol verməyin
- 2026.08.12 13:59
- 144 Baxış
Kardioloqlar arterial təzyiqi evdə düzgün ölçməyin vacibliyini vurğulayırlar. Yanlış oturuş və ya uyğun olmayan cihaz nəticələrin bir neçə mmHg fərqlənməsinə səbəb ola bilər.
Medicina.az xəbər verir ki, ölçmə zamanı ən azı 5 dəqiqə sakit oturmaq, ayaqları yerə düz qoymaq, kürəyi söykəmək və qolu ürək səviyyəsində masanın üzərində saxlamaq lazımdır. Ölçmə zamanı danışmaq və hərəkət etmək olmaz.
Mütəxəssislər üst qola taxılan, təsdiqlənmiş elektron tonometrdən istifadə etməyi məsləhət görürlər. Manjet qolun ölçüsünə uyğun olmalıdır. Ölçmədən əvvəlki 30 dəqiqə ərzində kofe içmək, siqaret çəkmək və ağır fiziki fəaliyyət göstərmək də nəticəni yüksəldə bilər.
Evdə təzyiq ölçmək üçün tövsiyə olunan “3-3-3 qaydası” belədir: səhər 3, axşam 3 ölçmə və bunu 3 gün təkrarlamaq. Ölçmələr arasında 1-2 dəqiqə fasilə vermək və nəticələri qeyd etmək tövsiyə olunur.
Evdə ölçmələr zamanı təzyiqin orta göstəricisinin 135/85 mmHg və ya daha yüksək olması hipertoniya ehtimalını göstərə bilər. Lakin nəticələr həkim tərəfindən qiymətləndirilməlidir.
Xanım,
Medicina.az
Ən Çox Oxunanlar
Yeni Xəbərlər
