Türkiyənin cənub-şərqindəki Qaziantep SANKO Universitetinin xəstəxanasında baş verən yanğın nəticəsində ölənlərin sayı artıb.
Bu barədə ölkənin səhiyyə naziri Fahrettin Koca deyib. O bildirib ki, xəstəxanada baş verən yanğında yaralananlardan daha bir nəfəri ölüb. Beləliklə, ölənlərin sayı 10-a çatıb.
Qeyd edək ki, bu gün səhər saatlarında Türkiyənin cənub-şərqindəki Qaziantep SANKO Universitetinin xəstəxanasında koronavirus xəstələrinin olduğu Reanimasiya şöbəsində yanğın baş verib.
***
"Qaziantepdə reanimasiya şöbəsində baş verən hadisə hamımızı üzüb”.
Bunu Türkiyənin Səhiyyə naziri Fəxrəddin Qoca "Twitter" səhifəsində yazıb. O qeyd edib ki, hadisə nəticəsində ölənlərin sayı 9-a çatıb: “Yanğından təsirlənən digər xəstələr təcili yardım əməkdaşları tərəfindən yaxın ərazilərdəki xəstəxanalara köçürülüblər. Vəfat edənlərə Allahdan rəhmət diləyirəm. Hadisəni yaxından izləyirik”.
***
Türkiyənin Qaziantep şəhərindəki özəl xəstəxanada baş verən partlayış nəticəsində 8 pasiyent ölüb.
Məlumatı “TRTHaber” yayıb.
Bildirilib ki, SANKO Universitetinin Reanimasiya şöbəsində oksigen balonu partlayıb. Partlayışdan sonra yanğın baş verib.
Məlumata görə, 20 nəfərlik Reanimasiya şöbəsində 19 xəstə olub. Onların 8-i ölüb. 11 pasiyent yaxınlıqdakı başqa hospitala yerləşdirilib.