Yumurtanı necə bişirmək daha faydalıdır?
- 2026.08.11 16:49
- 147 Baxış
Yumurtanın qayğanaq, poşe və ya gözdə hazırlanması onun tərkibindəki zülal miqdarını ciddi şəkildə dəyişmir. Lakin bişirmə üsulu zülalın orqanizm tərəfindən mənimsənilməsinə təsir göstərə bilər.
Medicina.az xəbər verir ki, bir iri yumurtada təxminən 6-7 qram yüksək keyfiyyətli zülal var. Poşe yumurtada bu göstərici təxminən 6,2 qram, qayğanaqda 6,1 qram, gözdə yumurtada isə 6,2 qramdır.
1998-ci ildə Journal of Nutrition jurnalında dərc olunan araşdırmaya əsasən, bişmiş yumurtanın zülalının həzmolunma göstəricisi təxminən 90,9 faiz, çiy yumurtada isə cəmi 51,3 faiz olub.
Bişirmə zamanı yumurtanın zülalları denaturasiya olunur və həzm fermentləri üçün daha əlçatan hala gəlir. Eyni zamanda istilik çiy yumurtada biotinin mənimsənilməsinə mane olan avidini də təsirsizləşdirir.
Üç bişirmə üsulu arasında isə poşe yumurta zülal baxımından kiçik üstünlüyə malik hesab olunur. Suda, əlavə yağ olmadan və nisbətən yumşaq temperaturda bişirildiyi üçün həm zülalın həzmini yaxşılaşdırır, həm də əlavə kaloriləri azaldır.
Qayğanağı isə zəif odda, çox bişirmədən hazırlamaq tövsiyə olunur. Gözdə yumurta da faydalıdır, lakin yüksək temperaturda uzun müddət bişirməkdən və çox yağ əlavə etməkdən çəkinmək lazımdır.
Mütəxəssislər bildirirlər ki, bu üsullar arasındakı zülal fərqi çox azdır. Əsas məsələ yumurtanın ümumi miqdarı, bişirmə müddəti və istifadə olunan yağın miqdarıdır.
Xanım,
Medicina.az
Ən Çox Oxunanlar
Yeni Xəbərlər
