Zənginlik və yoxsulluq insan taleyinə necə təsir edir?

  • 2024.01.19 22:06
  • 924 Baxış
Zənginlik və yoxsulluq insan taleyinə  necə təsir edir?

Kanadalı fizioloqlar zənginlik və fəqirliyin insan taleyinə təsirini araşdırıb. Onlar 103 könüllünün həyatını təhlil edib.


“Medicina” xəbər verir ki, alimlər uşağın ailədə göz açmasından sonrakı ilk 5 ildə maddi rifahı sonrakı taleyini müəyyən etdiyini sübut edib.

Hələ uşaqlıqda insanın taleyinə bir çox faktorlar təsir edir.

Massaçuset institutu və Harvard universitetinin neyrobioloqlarının qənaətinə görə, zəngin, imkanlı ailələrdəki uşaqlarıln beyninin kök və gicgah hissələri daha qalın olur.

Kasıb ailələrin uşaqlarında SLC6A genində dəyişiklik xarakterikdir. Bu gen serotoninin beyinə yayılmasını təmin edir. Bu uşaqlarda depressiya və digər psixi pozuntular riski daha yüksəkdir.

Ümumiyyətlə, kasib ailələrdə böyüyən uşaqlarda orqanizmdə stress hormonu kortizolun miqdarı çox olur.

Bu hormon insanda qorxaqlıq, çəkingənlik, ehtiyat, tələsməmək hissini artırır. Kasıb uşaqlar riskə az meyillidir, karyerada irəliləməyə çəkinər.

Eləcə də ABŞ-da zəngin insanların kasıblardan 10 il daha çox yaşadığı da sübut olunub.
Kasıblar daha çox ürək tutması, ürək-qan damar xəstəliklərindən vəfat edir.

Eləcə də süd vəzi xərçəngi, prostat, qan xərçəngindən də kasıb ailələrdə böyüyənlər əziyyət çəkir.

Aygün Musayeva