Ayaqdakı bu simptom ürək xəstəliyinin əlaməti ola bilər
- 2026.06.18 23:20
- 261 Baxış
Tibb sahəsində bir çox yeni tədqiqatın nəticələri dərc olunmağa davam edir. Ən son olaraq, gizli ürək xəstəliyi olanlarda infarkt riskinin səkkiz dəfə yüksək olduğu aşkar edilib. Ciddi risk yaradan bu xəstəliklərdən biri də aterosklerozdur. Simptomların olmaması səbəbindən çox gec diaqnoz qoyulan ürək xəstəliyi olduğundan, bəzi simptomları düzgün qavramaq və erkən diaqnoz qoymağa imkan vermək olduqca vacibdir. Bu cür xəstəliklər üçün müntəzəm həkim müayinələri də vacibdir.
Medicina.az xəbər verir ki, əksər insanlarda aterosklerozun simptomları əvvəlcə özünü göstərmir. Lakin bu vəziyyətin çox ciddi riskləri var. Erkən diaqnoz və müalicə infarkt və insult kimi risklərin qarşısını almaqda çox vacibdir. Ateroskleroz, zamanla yağ yığılması səbəbindən arteriyaların daraldığı və qan axınını çətinləşdirdiyi bir vəziyyət olaraq təyin olunur və əksər hallarda ayaqlarda özünü göstərir. Buna görə də ayaq ağrısını görməməzlikdən gəlməmək çox vacibdir.
Annals of Internal Medicine jurnalında dərc olunmuş yeni bir araşdırma diqqəti cəlb edib. Orada deyilir ki, ateroskleroz insanlarda erkən yaşda inkişaf edə bilər. Son dərəcə ölümcül nəticələrə səbəb ola biləcək bu vəziyyət, xüsusən də ayaqlarda ağrı kimi özünü göstərər. Əlamətlər əksər xəstələrdə narahatedici olmasa da, sonrakı mərhələlərdə sinə ağrısı, qol və ayaqlarda ağrı (xüsusilə məşq zamanı), nəfəs darlığı, yorğunluq və zəiflik aterosklerozun ən əsas simptomları hesab olunur.
Aygün
Medicina.az
Ən Çox Oxunanlar
Yeni Xəbərlər
