Barmaqlar beyin sağlamlığına necə təsir edir? – Yeni kəşf

  • 2023.09.11 09:19
  • 752 Baxış
Barmaqlar beyin sağlamlığına necə təsir edir? –  Yeni kəşf
Tədqiqatçıların yeni kəşfi bizə bir sıra unikal imkanlar təqdim edir.


Lent.az-ın xarici mediaya istinadla xəbərinə görə, tədqiqatlar göstərib ki, barmaqlarımız heyrətamiz bir qabiliyyətə malikdir - onlar toxunduğumuz obyektləri yadda saxlaya bilirlər. Bu yaddaş forması üzləri və ya mahnıları xatırlamağımızdan fərqlidir. Bu, ətrafımızdakı dünya ilə qarşılıqlı əlaqəmizə əhəmiyyətli təsir göstərən fiziki yaddaşdır.


Şeffild Universitetinin alimləri, o cümlədən tədqiqatçı Hannes Saala, barmaq uclarının uzanma qabiliyyətini və axıcılığını tədqiq edərək, onların son toxunma hissini “xatırlaya” bildiklərini aşkar ediblər. Bu yaddaşın beyinə göndərilən siqnallara necə təsir etdiyi sualı olaraq qalıb.


Bunu başa düşmək üçün tədqiqatçılar robotun könüllülərin barmaqlarının ucuna yumşaq təzyiq göstərdiyi bir təcrübə keçiriblər. Bununla onlar miniatür elektrodlardan istifadə edərək sinir siqnallarını ölçüblər və barmaqların ucunda yerləşən 200 sinir hüceyrəsini tədqiq edərək, reaksiya sürətindən asılı olaraq onları üç növə ayırıblar.


Tədqiqatçıların kəşfi robotun barmaqların ucuna təzyiq göstərdiyi istiqamətin həmin sinir hüceyrələrinin sonrakı toxunuşlara necə reaksiya verdiyinə təsir göstərməsi idi. Xüsusilə daha güclü təzyiqə cavab verən sinir hüceyrələrinin bir qrupu əvvəlki barmaq təcrübəsinə əsaslanaraq reaksiyalarında əhəmiyyətli dəyişikliklər göstərib.


Sadə dillə desək, barmaqlarımızın ucları beyinə məlumat ötürəndə, əvvəlki toxunuşların “tarixini” də ehtiva edir. Elm adamları, beyinin bu əlavə məlumatdan hərəkətlərimizi daha yaxşı proqnozlaşdırmaq və idarə etmək, toxunmalarımızı daha dəqiq etmək üçün istifadə etdiyini güman edirlər.