Dəriniz çox quruyursa…

2017.10.09 18:09
15187 Baxış

Quru dəri ən çətin dəri tipidir. Dəriniz çox quruyursa, hətta qabıqları çıxırsa bir sıra vasitələrdən istifadə etməlisiniz.

Medicina.az quru dərilərin baxımı üçün bəzi vasitələri qeyd edir:

Dərinizi günəşdən qoruyun – ultrabənövşəyi şüalar hər dəri tipi üçün təhlükəlidir. Quru dərisi olanlar günəş şüalarından qoruyucu kremdən mütləq istifadə etməlidirlər.

Nəmləndiricilərdən istifadə edin - quru dəriyə sahib olanlar tez-tez nəmləndirci kremlərdən istifadə etməlidirlər. Xüsusilə də gecə yatmadan öncə dəriyə çəkmək daha məsləhətdir.

Dəri istiyə və ya soyuğa məruz qaldıqda transepidermal su itkisi artır ki, bu zaman dəri daha çox quruyur. Bu səbəbdən duş alan zaman su nə isti, nə də soyuq olmalıdır.

Quru dərinin səbəbi yetəri qədər sudan istifadə etməməyiniz ola bilər. Bunun üçün gün ərzində 2 litrə yaxın su içməyiniz tövsiyə olunur.