Məşhur antidepressant xərçəngi “öldürür”
- 2025.05.29 18:12
- 229 Baxış
Kaliforniya Universitetinin amerikalı alimləri aşkar ediblər ki, məşhur antidepressantlar xərçəngin müalicəsində irəliləyiş ola bilər.
Məlumatlar göstərir ki, selektiv serotoninin geri alınması inhibitorları (SSRI) immun hüceyrələrin xərçəng əleyhinə fəaliyyətini əhəmiyyətli dərəcədə artırır.
SSRI-lərə fluoksetin (Prozac), paroksetin, sertralin (Zoloft) və başqaları kimi dərmanlar daxildir.
“Medicina” xəbər verir ki, mütəxəssislər antidepresantların ikili təsirini aşkar ediblər: melanoma, döş və bağırsaq xərçəngi ilə aparılan təcrübələrdə şiş ölçüsünün 50% azalması, T-killerlərin - xərçəngə hücum edən immun hüceyrələrin effektivliyinin artması və immunoterapiya ilə birləşdirildikdə tam remissiyaya nail olunması müşahidə olunub.
Dərmanlar serotonini tənzimləməklə işləyir. Onlar SERT zülalını bloklayır, "xoşbəxtlik hormonu" nun səviyyəsini artırır.
Bu, immun hüceyrələrdə şiş əleyhinə siqnalları gücləndirir və T hüceyrələrinin xərçəngə hücumunun qarşısını alan mexanizmləri boğur.
Xüsusilə təsiredici nəticələr SSRI-lərin immunoterapiya (nəzarət nöqtəsi inhibitorları) ilə birləşməsi ilə göstərilmişdir. Siçanlar təcrübələrində kombinasiya standart müalicəni üstələyib.
Aygün M
Ən Çox Oxunanlar
Yeni Xəbərlər
