Xəbərlər
Dərmanlar
Şəkər, ürək, beyin, sümüklər, immunitet, hormonlar üçün əvəzsiz - F vitamininin 10 təsiri

Şəkər, ürək, beyin, sümüklər, immunitet, hormonlar üçün əvəzsiz - F vitamininin 10 təsiri

2019.12.17 17:01
5078 Baxış

İnsan üçün zəruri olan yağ turşularını tibdə bəzən F vitamini də adlandırırlar. Bu turşulara LA və LNA turşuları daxildir.

Medicina.az xəbər verir ki, bu turşular bədənə zəruri olan Omeqa-3 və Omeqa-6 yağlarının tərkibini təşkil edirlər. İnsan bədəni bu zəruri olan yağ turşularını özü istehsal edə bilmədiyinə görə, onu xaricdən almalıdır. F vitamini bədənin təbii inkişaf etməsində, hüceyrələrin sağlamlığında, hormonların balansında və immun sisteminin fəaliyyətini tənzim etməkdə mühüm rola malikdir. Bundan əlavə, bu vitamin xolesterinin səviyyəsini tənzim edər.

F vitaminin faydalarını saymaqla bitməz:

•F vitamin dərini cavanlaşdırar və saçları sağlam və parlaq edir.

•Adrenalin hormonun istehsalında mühüm rola malikdir.

•Bağırsaqlardakı faydalı bakteriyaların inkişafını təhrik edər.

•Yağ turşuları artrit ağrılarında sakitləşdirici təsirə malikdir.

•Oynaqlarda, ağciyərlərdə və beyində iltihabı azaldar.

•Depressiyaya müsbət istiqamətdə təsir edər.

•Ürək xəstəliyi riskini azaldır.

•Böyümə və inkişafı dəstəkləyir.

•Tip 2 diabet riskini azalda bilər.

•Ürək xəstəliyi riskini azaldır.

Əgər bu vitamin az olarsa, hafizədə zəifləmələr baş verəcəkdir.

F vitamini çatışmazlığı hazırda çox sıx müşahidə edilmir. Bu çatışmazlıq dəri quruluğu, uşaqlarda yavaş böyümə, beyin funksiyalarında zəiflik, görmə problemləri, saç tökülməsi və yaraların gec yaxşılaşması kimi müxtəlif vəziyyətlərə yol aça bilər.

F vitamin ilə zəngin qidalar:

Bu yağ turşuları üzüm dənəsinin yağında, kətan toxumu yağında, soyada, qozda, küncütdə və günəbaxan tumlarında olur. Bundan başqa avokadoda, ətdə və balıqda mövcuddur. Omeqa-6 yağı paxlalı bitkilərdə, üzüm dənəsində, kətan toxumu yağında mövcuddur. Zəruri olan Omeqa-3 yağı isə balıqda, qoz yağında olur.

F vitamini yaxşı bir kalori mənbəyidir, ümumiyyətlə böyümə və inkişafı dəstəkləmək, təzyiqi nizamlamaq, hüceyrə quruluşunu və immuniteti gücləndirmək kimi əhəmiyyətli bədən funksiyalarına qatılır.