Ağdamda qazi polis şöbəsində bıçaqlanıb

  • 08 İyl 2022 18:36
  • 1228 Baxış
Ağdamda qazi  polis şöbəsində    bıçaqlanıb

Ağdam rayonunda oğlan bacısının ayrıldığı nişanlısı tərəfindən bıçaqlandığını iddia edir.

Medicina.az xəbər verir ki, oxu.az-a yaralanan şəxsin qohumları məlumat veriblər.

Bildirilib ki, rayonun Quzanlı qəsəbəsinin sakini, 1998-ci il təvəllüdlü Hökmdar Daşdəmirov bacısının ayrıldığı nişanlısı tərəfindən polislərin yanında bıçaqlanıb.

Hökmdar Vətən müharibəsi iştirakçısdır.

Daxili İşlər Nazirliyinin Mətbuat Xidmətinin Bərdə regional qrupundan bildirilib ki, bir müddət əvvəl Ağdam rayon sakinləri, Vətən müharibəsi iştirakçısı Hökmdar Daşdəmirovla Əli Ələkbərov arasında münaqişə yaşanıb:

“Bununla əlaqədar tərəflərdən biri Ağdam Rayon Polis Şöbəsinə şikayət edib. Araşdırma məqsədilə dünən onlar Polis Şöbəsinə dəvət olunarkən Əli Ələkbərovun qardaşı Ələkbər üzərində gəzdirdiyi bıçaqla H.Daşdəmirovu vuraraq ona xəsarət yetirib. Ə.Ələkbərov polis əməkdaşları tərəfindən saxlanılıb.

Faktla bağlı Cinayət Məcəlləsinin 221.3-cü maddəsi ilə cinayət işi başlanılaraq araşdırma aparılır. Hazırda H.Daşdəmirovun səhhəti qənaətbəxşdir”.