Ağızda quruluq – Ciddi siqnaldır
- 2023.05.08 17:18
- 3669 Baxış
Ağız quruluğu diabet və digər ciddi xəstəliklərin əlaməti ola bilər.
“Medicina” xəbər verir ki, britaniyalı həkim – stomotoloqların sözlərinə görə, quru ağız narahatlıq doğurmayan ümumi bir simptomdur.
Bu, xoruldama, dərman qəbul etmək, siqaret çəkmək və ya spirtdən sui-istifadə nəticəsində yarana bilər.
Ancaq bu, həm də "qırmızı bayraq" siqnalıdır.
“Quru ağız orqanizmdə düzgün getməyən hansısa prosesin bir əlaməti ola bilər. Xüsusilə ağızda yapışqanlıq hissi, boğaz ağrısı, çeynəmə və ya udma çətinliyi, ağız qoxusu kimi simptomlar varsa”.
Mütəxəssis kserostomiya ilə müşayiət olunan halı tüpürcək vəzilərinin kifayət qədər tüpürcək istehsal edə bilmədiyi bir vəziyyət adlandırdı.
Həmçinin nevroloji patologiyalar, yüksək qan şəkəri, autoimmun pozğunluqlar bu vəziyyətin inkişafına səbəb ola bilər.
Məsələn:
• Diabet
• yuxu apnesi
• HİV.
• Alzheimer xəstəliyi
• İnsult
• Şeqren sindromu
Bundan əlavə, ağız quruluğu qocalma, dərmanların təsiri, kariyes, siqaret, alkoqoldan sui-istifadədə özünü göstərir.
Aynurə Məmmədova
Ən Çox Oxunanlar
Yeni Xəbərlər
