Altsheymer xəstəliyinin başlandığını nə xəstə, nə ailəsi bilir

  • 19 Noy 2021 16:14
  • 492 Baxış
Altsheymer xəstəliyinin başlandığını nə xəstə, nə ailəsi bilir
Alsheymer xəstəliyi geniş yayılır, xəstələr çox gecikmiş müraciət edir, çünki xəstə özü vəziyyətini anlamır.

Medicina.az xəbər verir ki, bunu Respublika Klinik Xəstəxanasının nevroloqu Aytən Hüseynova “TƏBİB məsləhəti”ndə deyib.

“Xəstəlik gec başlayır. 65 yaşda insanın unutqanlığı, yorulması rutin hal kimi qəbul olunur. Lakin bir müddət sonra həmin şəxs işin yolunu, yeməyin altını söndürməyi, yaxınlarının adlarını unuda bilir. Bu zaman xəstələr bizə müraciət edir. Getdikcə bu hallar artır, davranış pozuntuları meydana çıxır. Xəstədə hallüsinasiya yaranır, depressiv hallar olur. Sonda xəstə zəruri vərdişlərini belə necə ödəyəcəyini bilmir”.

Nevroloq qeyd edib ki, İngiltərədə iki ilidir bu xəstəliyə qarşı vaksin istehsal etməyə başlanılıb: “Siçanlar üzərində bu vaksin yoxlanılıb. Alimlər bildirir ki, bu vaksinin insanlara erkən yaşlarda vurulması məsləhətdir ki, xəstəliyin qarşısını ala bilsin”.