ATU Tədris Cərrahiyə klinikasında xeyriyyə marafonu
- 2019.05.10 11:54
- 7475 Baxış
Azərbaycan Tibb Universitetinin Tədris Cərrahiyyə Klinikasının oftalmologiya şöbəsinin müdiri Qurban İsmayılov ulu öndər Heydər Əliyevin anadan olmasının 96-cı ildönümü münasibətilə 30-dək xəstəni müayinə və pulsuz əməliyyat edib.
Medicina.az xəbər verir ki, müayinə və əməliyyatlar Qarabağ müharibəsi veteranları, əlilləri və şəhid ailələrinin üzvləri, valideyn himayəsindən məhrum olmuş uşaqlar üzərində aparılıb. Aksiyadan bütün göz xəstəlikləri olan xəstələr – refreksiya anomaliyalı olan xəstələr, yəni miopiya, mürəkkəb miopik astiqmatizm, qarışıq astiqmatizmi olan xəstələr yararlanıb və 26 tələbənin gözündə ekzeymer lazer əməliyyatı həyata keçirilib. Pasientlər aksiyadan razı qaldıqlarını bildirib. Onlara belə bir fürsət yaratdığına görə, Tədris Cərrahiyyə Klinikasının rəhbərliyinə təşəkkür ediblər.
Qeyd edək ki, Qurban İsmayılov tərəfindən mütəmadi olaraq belə aksiyalar təşkil olunur, çoxsaylı xəstələr bu aksiyadan yararlanırlar. Bundan öncə dünya şöhrətli oftalmoloq-alim, akademik Zərifə Əliyevanın anadan olması münasibətilə keçirilən aksiyada 14 tələbə əməliyyat olunmuşdu.
Ən Çox Oxunanlar
Yeni Xəbərlər
