Baş və boyun xərçənginin 4 əsas əlaməti

  • 2023.08.01 18:36
  • 753 Baxış
Baş və boyun xərçənginin    4 əsas əlaməti

Baş və boyun xərçəngi, baş və boyun bölgəsinin 30-dan çox sahəsinə təsir edə bilən bir qrup xəstəliyə verilən addır.

Bu siyahıya ağız, qırtlaq, tüpürcək vəziləri, burun və sinuslar daxildir.

“Medicina” xəbər verir ki, onkoloq Andrey Vorobyovun sözlərinə görə, baş və boyun xərçəngi ağız, boyun, boğaz və ya üzdəki xərçəngdir, çənə, dilə təsir edə b və boyundakı limfa düyünlərinə yayıla bilər.

“Ən çox rast gəlinən növ ağız xərçəngidir ki, bütün baş və boyun xərçənglərinin təxminən 90 faizini təşkil edir. Tez-tez tüpürcək vəzilərini əhatə edən və bir az fərqli müalicə olunan daha nadir növlər də var.

Baş və boyun xərçəngi bir çox fərqli şəkildə özünü göstərə bilər və bir sıra fərqli simptomlar ola bilər. Onlar tez-tez digər daha az ciddi xəstəliklərin simptomlarını təqlid edirlər, məsələn, insanlar diş problemləri olduğunu düşünür, stomatoloqa gedir.

Klassik simptomlar ağızda və ya boyunda bir neçə həftə davam edən ağrı və ya şişlikdir. Digər insanlar müəyyən bir ərazidə dişlərin uyuşması və ya boşalması ilə qarşılaşırlar.

Diqqət edilməli olan başqa bir şey boyundakı qabarlar, udma çətinliyi və ya səs dəyişiklikləridir.

Baş və boyun xərçəngi üçün əsas risk faktorları siqaret çəkmək, spirtli içki qəbul etmək və tütün çeynəməkdir”.

Günay Quluzadə