Bəzədilmiş tortlardakı sintetik TƏHLÜKƏ

  • 23 Fev 2021 12:07
  • 369 Baxış
Bəzədilmiş tortlardakı sintetik  TƏHLÜKƏ
Doğum günü və ya özəl günlər üçün fərqli rənglərdə hazırlanıb bəzədilən tortlarda istifadə edilən sintetik qida boyalarının sağlamlığımıza bir çox zərərləri vardır.

Medicina.az xəbər verir ki, bir çox bazar və ya marketlərə satılan qida boyalarının çox istifadəsi orqanizmdə bir çox problemlərə səbəb ola bilər. Bu xüsusən immuniteti zəif olanlarda astma və allergiyaya, uşaqlarda isə hiperaktiv pozuntulara gətirib çıxarır.

Mütəxəssislər bildirirlər ki, qida boyları təbii və sintetik olmaqla iki yerə ayrılır. Təbii qida boyaları bitki və ya heyvan məhsullarının rəng piqmentləri alınaraq əldə edilir. Bunlarla bərabər, kimyəvi məhsullardan istifadə edilərək hazırlanan sintetik qida boyaları da var. Bəzədilən tortlarda əsasən şəkər xəmiri üzərində istifadə edilən qida boyalarının təbii, yoxsa sintetik olmasına fikir vermək lazımdır. Həmçinin, ÜST sintetik qida boyalarının istifadəsində müəyyən hədd qoyub. Müəyyən edilmiş miqdardan artıq istifadəsi isə bir çox problemlərə yol açar. Xüsusən uşaqlar üçün ciddi allergik problemlər yaradır.