Botoks etdirənlər niyə bir-birinə oxşayır?
- 2023.05.26 17:41
- 2520 Baxış
Botoks olunmuş insanlar sanki bir birinə bənziyir. Alın, üz, burun, hətta mimika eynidir.
Bəs bu bənzərliyin əsl səbəbi nədir? Səbəb botoksur, yoxsa kosmetoloqlarda?
“Medicina” xəbər verir ki, həkim Qalina Zarosilenkonun sözlərinə görə, qırışların düzəldilməsi prosedurunun özü, yəni iynənin vurulması 5-10 dəqiqə davam edir.
Ancaq diaqnoz daha uzun çəkməlidir.
“Mütəxəssis sizin emosional vəziyyətinizi qiymətləndirməlidir. Düzgün effektlə maraqlanmayan təcrübəsiz və ya qaydaları bilməyən kosmetoloq sadəcə iynə vurmaqla işinin bitmiş olduğunu düşünür.
Aşağı keyfiyyətli inyeksiya etdirən xəstələr, səlahiyyətli kosmetoloqlarda dərmanın tətbiqini gördükdə təəccüblənirlər.
Həkimlər dozanı üzdə daha çox nöqtəyə uyğun paylayırlar. Vicdanlı bir kosmetoloq heç vaxt bütün əzələləri bloklamaz, əks halda insanı aktiv üz ifadələrindən məhrum edər. Düzgün botulinum terapiyasının mahiyyəti ondan ibarətdir ki, biz emosiyaları yox, qırışları aradan qaldırırıq.
Yanlış botulinum terapiyası emosiyaları aradan qaldırır. Bütün kosmetoloqlar doldurucunu təlimatlara uyğun eyni nöqtələrə vurduqda, hər kəs eyni üz cizgilərinə malik olurlar.
Yaxud da səbəb başqadır: eyni protokolla işləyirlər. Bu artıq ya təcrübə çatışmazlığından, ya da fərdi yanaşmanın olmamasından xəbər verir. Xəstələr botulinum toksin terapiyası və dolduruculara meyl edirlər.
Bəziləri dozanın artırılmasını tələb edir və ya prosedurlar arasındakı vaxt intervalına tab gətirmir. Məsuliyyətli hər bir kosmetoloq xəstələrə hər şeyi izah edib, lazım gələrsə, botoksdan imtina etməlidir.
Xoşbəxtlikdən, gözəllik inyeksiyalarının antidotları var. Beləliklə, hialuronidaza maddəsi doldurucuları problemi həll etməyə kömək edir”.
Günay Quluzadə
Ən Çox Oxunanlar
Yeni Xəbərlər
