Damarlardakı ərpləri dərmanla təmizləmək mümkündürmü? - Türkiyəli professordan cavab
- 2022.04.15 14:59
- 3416 Baxış
Zərərli vərdişlərdən, qidalanmadan, genetik səbəblərdən və yaşla bağlı lipid balansının pozulması, xolesterinin yüksəlməsi nəticəsində damarların daxili ərp, kirəc bağlayır.
Bakupost.az xəbər verir ki, Türkiyənin tanınnış professoru, kardioloq Hüseyin Bozbaş "Xolesterin həqiqəti" kitabında damarların təmizlənməsindən danışıb.
"Təəssüf ki, hər hansı dərmanla artıq ərp yaranmış damarı təmizləmək mümkün deyil.
Kaş ki, belə bir şey mümkün olsun. Pasientlərimizdən bəzən “Sarımsaq-limon dərmanı, qoz-limon müalicəsi, sirkə kimi bitki mənşəli dərmanlarla damarlardakı ərp yox olub əriyir” kimi fikirlər eşidirik. Təəssüf ki, damarlardakı ərpləri və damar darlığını tamamilə məhv edə biləcək heç bir müalicə üsulu və ya dərman yoxdur.
Xolesterin dərmanının istifadəsi ilə damarlarda yığılmış ərpləri və çöküntüləri tamamilə aradan qaldıra bilmərik.
Bununla belə, damarlardakı ərplərin həcmini azalda və onları möhkəmləndirə bilərik.
Ərpin möhkəm və dayanıqlı olması infarkt və insultdan yüksək səviyyədə qorunma təmin edir.
Çünki ani damar tıxanmalarının əksəriyyəti damardakı ərpin qopması və ya zədələnməsi və üzərində laxtanın oturması nəticəsində yaranır.
Ona görə də yaşlı insanlarda damariçi ərpi yumşaltmaq, qoparmaq barədə düşünməmək daha faydalıdır".
Qeyd edək ki, Hüseyin Bozbaşın "Xolesterin həqiqəti" kitabı yaxın günlərdə "Qanun" Nəşriyyatında Azərbaycan dilində nəşr olunacaq.
Aygün Musayeva
BakuPost
Ən Çox Oxunanlar
Yeni Xəbərlər
