İnfarkt və insultun riskini, arterial təzyiqi aşağı azaldır.. .YAŞIL LOBYANIN MİSİLSİZ FAYDALARI
İnfarkt və insultun riskini, arterial təzyiqi aşağı azaldır...YAŞIL LOBYANIN MİSİLSİZ FAYDALARI
2019.08.22 09:43
8208 Baxış
Ən faydalı tərəvəzlərdən biri olan lobya orqanizmə güclü müalicəvi və profilaktik təsir edir.
Medicina.az lobyanın əsas faydalarını təqdim edir:
- Qidalı liflərlə zəngin olan lobya orqanizmdə xolesterinin səviyyəsini aşağı salır və bununla da ürək-damar sistemi xəstəlikləri, infarkt və insultun riskini azaldır.
- Həmçinin lobya qidalı liflərin sayəsində qəbizliyin qarşısını alır. Həll olunmayan qidalı liflər bağırsaqlarda özünə mayeni hopduraraq şişir və bu da bağırsaqların daha tez və rahat boşalmasını təmin edir.
- Qidalı liflər izoflavon maddələri ilə birlikdə bağırsaqların mikroflorasını daha sağlam edir və bununla həm həzm proseslərini yaxşılaşdırır, həm də immun sistemini möhkəmləndirir.
- Lobya arterial təzyiqi salmağa kömək edir. Bunun səbəbi lobyada olan kalium və maqnezium maddələridir.
- Fol turşusu ilə zəngin olan lobya qanazlığı zamanı da faydalıdır.
- Lobyanın istehlakı orqanizmdə kollagen zülallarının istehsalını artırır. Kollagen dərini daha cavan və dartılmış edir.
- Lobya arıqlamağa yardım edir. Bu səbəbdən bir çox diyetoloqlar bişmiş lobyanı pəhrizlərə daxil edirlər.
- Lobya orqanizmi təbii olaraq ziyanlı maddələrdən, selikdən, toksinlərdən təmizləyir.
