Koronavirusa qarşı immunitet 1 ay sonra təsirini itirir

  • 18 Sen 2020 17:14
  • 1137 Baxış
Koronavirusa qarşı immunitet 1 ay sonra  təsirini itirir

Koronavirus (COVID-19) antikorları cəmi bir ayda azalaraq təsirini itirir.

Medicina.az xəbər verir ki, bu, alimlərin yeni araşdırması nəticəsində məlum olub.

Mütəxəssislər qeyd edir ki, antikorlarla bağlı bu nəticə COVID-19-a qarşı vaksin tapmaq ümidlərini alt-üst edə bilər.

Araşdırmaçıların fikrincə, effektiv müalicə və vaksin tapılması üçün immunitetin COVID-19-a verdiyi reaksiyanı öyrənmək vacibdir. Antikorlar zamanla azalırsa, bu, potensial vaksinin qoruyucu təsirinin də bir müddət sonra yox olacağı və ya daha az təsirli olacağı anlamına gələ bilər. Belə olan halda təkrar yoluxmaları qabaqlamaq üçün yenidən immunizasiya olunmağa ehtiyac yaranacaq.

Çinin Nankinq Universitetində tibb fakültəsinin əməkdaşları yeni bir araşdırma aparıblar. Belə ki, koronavirusa yoluxmuş 19 orta ağır, 7 ağır xəstə araşdırmaya cəlb olunub. Pasiyentlərdə immunitetin COVID-19-a qarşı reaksiyaları yoluxmanın aşkarlanmasından etibarən 7 həftə ərzində müşahidə formasında araşdırılıb. Xəstələrin əksəriyyətinin virusa qarşı antikoru inkişaf etdirdiyi qeydə alınıb, lakin alimlər xəstələrin bir hissəsində antikorların aktivliyinin təsirsiz səviyyədə inkişafı və təxminən 20 %-də immunitet reaksiyasının yaranmadığını üzə çıxarıblar.

"PLOS Pathogens" nəşrində dərc olunan araşdırmada isə xəstəxanadan çıxdıqdan 3-4 həftə sonra sağalmış xəstələrdə antikorların aktivliyinin əhəmiyyətli dərəcədə azaldığı qeyd olunub.

London Kral Kollecinin 96 nəfərin iştirakı ilə apardığı araşdırma sonucunda isə məlum olub ki, iştirakçıların 60%-də xəstəliyin pik dövründə immunitet COVID-19-a qarşı güclü reaksiya göstərdiyi halda, 3 aydan sonra bu rəqəm 17 %-ə düşüb.