Xəbərlər
Xəbərlər
Koronavirusun ən dözülməz simptomları - Aktrisa açıqladı

Koronavirusun ən dözülməz simptomları - Aktrisa açıqladı

2020.10.19 10:23
1820 Baxış

Rusiyalı aktrisa Kristina Asmus İnstaqram səhifəsində koronavirusa yoluxduqdan sonra yaşadığı xoşagəlməz simptomları açıqlayıb.

Medicina.az Rusiya mətbuatına istinadən xəbər verir ki, sənətçi hələ də hərarətinin olduğunu və halsızlıqdan əziyyət çəkdiyini qeyd edib. Eyni zamanda Asmus öskürək, baş ağrısı və bədən ağrılarından şikayətlənib.

“Heç bir qoxu və ya dad bilmə duyğusu yoxdur. Yeməyə, ümumiyyətlə, maraq yoxdur. Hər şeyin dadı eynidir. Bu mənim üçün çox qeyri-adi bir şeydir, halbuki yeməyi sevirəm”, - aktrisa vurğulayıb.

Bundan əlavə, Kristina Asmus əlavə edib ki, yüksək temperatur olduğu zamanlarda da iştahı olub, amma koronavirus səbəbiylə tamamilə yox olub.

Xatırladaq ki, Asmusun COVID-19-a yoluxduğu 14 oktyabrda məlum olub. Aktrisanın yüksək hərarəti olsa da, evdə müalicə olunur.