Meyxanaçı Ağakərimin ölüm xəbəri ilə bağlı AÇIQLAMA

  • 09 Sen 2021 09:13
  • 1192 Baxış
Meyxanaçı Ağakərimin ölüm xəbəri ilə bağlı   AÇIQLAMA
Sosial şəbəkələrdə tanınmış meyxana ustadı Ağakərimin (Kərim Novruzov) vəfat etməsi ilə bağlı iddialar yayılıb.

Medicina.az xəbər verir ki, məsələ ilə bağlı Oxu.Az meyxanaçı Mehman Əhmədli əlaqə saxlayıb.

O bildirib ki, həmkarı haqqında yayılan ölüm xəbəri yalandır:

“Belə məlumatı reytinq xətrinə kim yayırsa, çox yanlış hərəkət edir. Meyxanaçı Ağakərim sağdır, evindədir. Xəstəliyindən dolayı insanları tanımaqda bir qədər çətinlik çəkir, lakin səhhətində ağırlaşma yoxdur. Adamın ailəsi, yaxınları var. Bu cür yalan, qeyri-dəqiq məlumat yaymaq olmaz”.

Xatırladaq ki, meyxanaçı Ağakərimin 2017-ci ilin martında beyninə qan sızıb. Həmin gündən ifaçının səhhətində ciddi problemlər yaranıb.