Qablaşdırılmış salatlarla bağlı xəbərdarlıq: Almayın!
- 2026.08.12 22:50
- 201 Baxış
Böyük Britaniyanın aparıcı mikrobioloqu Dr. Primrose Freestone supermarketlərdə satılan qablaşdırılmış salatları istehlak etməmək barədə xəbərdarlıq edib.
Medicina.az xəbər verir ki, Böyük Britaniyanın aparıcı universitetlərindən biri olan Lester Universitetinin mikrobioloqu Dr. Primrose Freestone təəccüblü açıqlamalar verib.
The Times qəzetinə verdiyi müsahibədə Freestone supermarketlərdə satılan qablaşdırılmış salatları istehlak etməyin riskli olduğunu bildirib.
Frestone deyib ki, bu tip qablaşdırılmış salat məhsulları tez-tez həddindən artıq qusma və ishala və ölümcül bir bakteriyanın ötürülməsinə səbəb ola bilər.
Qeyd edilib ki, bu yay ABŞ və Avropada epidemiyaya çevrilən "partlayıcı ishal" paraziti kimi tanınan siklosporiya bu məhsullarda tapıla bilər.
Dr. Fristoun deyib:
"Patogenlər salat torbalarında, hətta soyuducuda saxlanıldıqda belə, 1000 dəfə daha çox çoxalır və plastikə yapışır. Onlar orada nə qədər çox qalsalar, vəziyyət bir o qədər pisləşir. Mikroblar torbalı salat yarpaqlarından alınan şirələrdən istifadə edərək daha da güclənir. Bu o deməkdir ki, onların infeksiyaya səbəb olma ehtimalı daha yüksəkdir. Kahı və onun yarpaqları təbiətdə böyüdükləri üçün təbii mikrofloraya malikdir. İstilik patogenləri öldürür və birbaşa torpaqdan bişməmiş bir şey yemək risklidir. Milçəklər, arılar və digər həşəratlar çirklənmə daşıyır və bu da ilin bu vaxtında problemi daha da artırır. Onların hamısı patogen bakteriyaları təzə məhsullara daşıya bilər."
Aygün
Medicina.az
Ən Çox Oxunanlar
Yeni Xəbərlər
