Qadınlar üçün ən cazibədar kişi tipi
- 2025.07.08 22:03
- 81 Baxış
Arıq, uzun, yoxsa dolğun, əzələli və ya toppuş?
Çin, Litva və Böyük Britaniyadan beynəlxalq alimlər qrupu hansı fiziki parametrlərin təkamül və fizioloji baxımdan kişiləri cəlbedici etdiyini müəyyən edib.
“Medicina” xəbər verir ki, tədqiqatda üç ölkədən 283 könüllü iştirak edib və DEXA skanerindən istifadə edərək əldə edilən kişi bədəninin 15 şəklini qiymətləndiriblər.
Şəkillər bədən kütləsi indeksi (BMI), yağ faizi və çiyin-bel nisbəti ilə fərqlənirdi. İştirakçılardan şəkilləri ən cəlbedicidən ən az cəlbediciyə doğru sıralamaq istənilib.
Yekun qiymətləndirmələrdə, Bədən indeksi 23-dən 27-ə qədər və yağ səviyyəsi təxminən 13-14 faiz olan kişilər cəlbediciliyin zirvəsində idi. Çiyin-bel nisbəti daha az rol oynayıb.
Başqa sözlə, ən böyük rəğbət əzələli və ya həddindən artıq arıq fiqurlar tərəfindən deyil, orta və ya bir qədər yüksək yağ səviyyəsinə malik bədənlərə olub.
Tədqiqatçılar vurğulayırlar ki, kişilərdə yağ kütləsinin bu səviyyəsi vaxtından əvvəl ölüm riskinin minimum səviyyəsinə və optimal reproduktiv funksiyaya uyğundur ki, bu da onu təkamül baxımından əlverişli edir.
Maraqlıdır ki, kişi və qadınların qiymətləndirmələri praktiki olaraq eyni idi - hər iki cins eyni bədənləri ən cəlbedici kimi vurğulayırdı. Müəlliflər belə nəticəyə gəlirlər ki, kişilərin fiziki cəlbediciliyinin qavranılmasında əsas amil bədən forması deyil, yağ səviyyəsidir.
Aygün Musayeva
Ən Çox Oxunanlar
Yeni Xəbərlər
