Qadınların beynində rast gəlinən xoşxassəli şiş
- 2022.09.27 17:39
- 2413 Baxış
Hipofiz vəzin adenoması çox rast gəlinən xoşxassəli şişlərə aid xəstəlikdir.
Kliniki təzahüründən asılı olaraq şiş hormonal aktiv və ya lal şiş olur.
Bu vəzin vəzin törəmələri 30-40 yaşda, daha çox qadınlarda rast gəlinir.
Medicina.az xəbər verir ki, hazırda hipofiz adenomiyasının yaranmasının dəqiq tibbi izahı yoxdur.
Birincisi – hipofiz vəzin hüceyrə quruluşunda genetik kodla bağlı dəyişiklikdən yaranır.
İkincisi endokrin vəzilərin işinin pozulması nəticəsində vəzidə şiş yaranır.
Eləcə də kəllə travmaları, ağır infeksiyalar, mərkəzi sini sistemini zədələyən viruslar, hamiləlikdə uğursuz təsirlər də hipofizdə şiş yarada bilir.
Son elmi araşdırmalar göstərib ki, hipofiz adenoması uzun illər oral kontraseptiv dərmanlar qəbul edən gənc xanımlarda da çox müşahidə edilir.
Adenomanın hormonal məhsuldar növündə vəzin şişi hormon sintezində iştirak edir, bu zaman daha çox prolaktin ifrat dərəcədə hasil olunur.
Lal növündə isə şiş özü heç bir hormon hasilində iştirak etmir.
Eləcə də hormonal aktiv adenoma zamanı somatotropin, kortikotrop, tireotrop hormonlar da artır.
Ademonanın ölçüsünün də təsiri var.
Mikroadenoma millimetrik ölçüdə olur.
Makroadenoma isə 30 mm-i keçir və hipoviz vəzin yerləşdiyi türk yəhəri deilən yuvadan kənara çıxır.
Nəhəng, giqant ademona 30 mm-i keçərək, daha böyük olur.
Əlamətlər:
-İlk olaraq nevroloji pozulmalar, əsəb sinir sistemində dəyişikliklər baş qaldırır
-Periodik olaraq tutma tipli baş ağrıları- daha çox gicgah, alın, gözlərdə ağrı
-Görmədə pozğunluqlar, şiş böyüdükcə göz əzələsinin paralici, ikili görmə
-Prolaktinomada hormonun miqdarı artdıqca menstruasiya tsikli, laktasiya pozulur, aybaşı olmur. Hamiləlikdə çətinlik çəkirlər.
-Dəridə akne, səpki
-Kökəlmə
-Kişilərdə süd vəzilərinin böyüməsi, impotensiya
Aygün Musayeva
Ən Çox Oxunanlar
Yeni Xəbərlər
