Qış depressiyası – Ondan necə qurtulaq, araq məlhəmdirmi?

  • 21 Sentyabr, 2019
  • 6115 Baxış
Qış depressiyası – Ondan necə qurtulaq, araq məlhəmdirmi?

Qış aylarında depressiyasının qarşısını almaq üçün əsas qidalanma rasionuna diqqət etmək lazımdır.

Şəkərin miqdarının yüksək olduğu və rafinə edilmiş, karbohidratlı yeməklərdən uzaq durmaq lazımdır. Çünki həmin qidalar bədəndəki qan şəkərinin miqdarını ani artırır və ya aşağı salır. Bu hal isə yorğunluq, stress və əsəbiliyə yol açır.

Mütəxəssislər bildirir ki, depressiv vəziyyətdə olduğunuz zaman spirtli içkilərdən də istifadə etmək olmaz. Spirtli içkilər belə hallarda yaxşı hiss etdirə bilər, bir müddət sonra vəziyyətin əksinə olma ehtimalı olduqca yüksəkdir.

Depressiyaya alternativ yollar tapmaq istəyirsinizsə, bunu təbii şəkildə təmin edin.


Qidalanmanıza fikir verin və ilk işə onu düzgün rejimə salmaqla başlayın. Həzm sisteminə yaxşı təsir edən qidalar yeyin.


Depressiyalı olduğunuz zaman heç bir şey etmək istəməyə bilərsiniz, amma çalışın bu haldan özünüzü uzaq tutun.


Sizə ən yaxın və uyumlu olan idman növündən istifadə edin. 

Yüksək səslə musiqi dinləməyin, təbiətdə daha çox gəzin və neqativ hallardan uzaq durun.