Xərçəngə məxsus ağrılar necə olur?
- 2026.06.30 22:38
- 245 Baxış
Ağrı hər zaman xərçəng demək deyil. Əksinə, ağrıların böyük əksəriyyəti xərçəngdən deyil, daha çox əzələ, oynaq, sinir, iltihab və ya digər geniş yayılmış səbəblərdən qaynaqlanır. Lakin bəzi hallarda davamlı və səbəbi bilinməyən ağrılar həkim müayinəsini zəruri edə bilər.
Medicina.az xəbərt verir ki, bu xüsusiyyətlərə malik ağrılar diqqət tələb edir:
1. Uzun müddət keçməyən ağrı
2–4 həftədən çox davam edən, getdikcə artan və səbəbi izah olunmayan ağrılar mütləq qiymətləndirilməlidir.
2. Gecələr yuxudan oyadan ağrı
Xüsusilə istirahətlə keçməyən və gecə daha da güclənən ağrılar həkim müayinəsi tələb edir.
3. Adi ağrıkəsicilərlə keçməyən ağrı
Müalicəyə baxmayaraq davam edən və ya getdikcə şiddətlənən ağrılar diqqətdən kənarda qalmamalıdır.
4. Sümüklərdə dərin və davamlı ağrı
Xüsusilə bel, çanaq, qabırğa və ya digər sümüklərdə səbəbi bilinməyən, davamlı ağrı müayinə olunmalıdır.
5. Qarında davamlı ağrı
Şişkinlik, iştahsızlıq, səbəbsiz arıqlama, nəcis vərdişlərində dəyişiklik və ya qanaxma ilə birlikdə olan qarın ağrısı araşdırılmalıdır.
6. Döş qəfəsində ağrı
Uzun sürən öskürək, nəfəs darlığı və ya qanlı bəlğəmlə birlikdə olarsa, həkimə müraciət etmək vacibdir.
7. Baş ağrısı
Yeni başlayan, getdikcə güclənən, xüsusilə səhərlər daha şiddətli olan, qusma, görmə və ya nevroloji əlamətlərlə müşayiət edilən baş ağrıları müayinə tələb edir.
Ağrı ilə yanaşı bu əlamətlər də varsa, həkimə müraciət edin:
Səbəbsiz çəki itkisi.
Uzun müddət davam edən halsızlıq.
Gecə tərləmələri.
Səbəbi bilinməyən hərarət.
Dəri və ya bədəndə sağalmayan yara.
Qanaxmalar və ya qeyri-adi ifrazatlar.
Aygün Musayeva
Ən Çox Oxunanlar
Yeni Xəbərlər
