Yaxın aylarda qızılca səngiyəcək Baş infeksionist

  • 2024.03.06 15:51
  • 586 Baxış
Yaxın aylarda qızılca səngiyəcək  Baş infeksionist


“Qızılca keçirən şəxsin əldə etdiyi immunitet kifayət qədər davamlıdır, təkrar xəstələnmə çox nadir hallarda baş verir. Peyvənd nəticəsində əldə edilən immunitet təbii immunitetə nisbətən daha az davamlıdır və peyvənd olunandan 15-20 il sonra zəifləyərək, insanı yoluxmadan qorumaya bilər. Əgər şəxsdə immundefisit vəziyyəti varsa, immunitet daha qısamüddətli ola bilər”.



Bunu APA-ya açıqlamasında Səhiyyə Nazirliyinin mütəxəssis-eksperti, infeksionist Təyyar Eyvazov deyib. O bildirib ki, qızılca ilə müvafiq səhiyyə qurumları aktiv mübarizə aparırlar:


“Əks-epidemik tədbirlər aktiv həyata keçirilir. Qızılcaya həssas şəxslər 1-40-yaşadək aşkarlanaraq öz müraciətləri əsasında peyvənd olunurlar. Hazırda epidemioloji durumun sabitləşməsi, bəzi bölgələrdə yoluxma hallarının sayının azalmasını müşahidə edirik. Lakin ölkənin iri şəhərlərində xəstələnmə halları lokal olaraq hələ də müşahidə edilir. Ümumiyyətlə, növbəti aylarda vəziyyətin normallaşması proqnozlaşdırılır”.