Yayda dərimizi necə qoruyaq? - Dermatoloq məsləhəti
- 2025.05.31 13:02
- 362 Baxış
Yay günəşli günləri və açıq hava fəaliyyəti ilə cəlbedici olsa da, dəri sağlamlığı baxımından bəzi riskləri də gətirir. Dermatoloq Dr.Nalan Kükürt isti havaların və ultrabənövşəyi (UV) şüaların dəriyə qalıcı zərər verə biləcəyinə diqqət çəkib.
Medicina.az xəbər verir ki, dermatoloq Nalan Kükürt yay aylarında artan günəş şüalarının dəri sağlamlığına mənfi təsirlərinə qarşı əhəmiyyətli xəbərdarlıqlar edib.
Həkim günəşin zərərli ultrabənövşəyi (UV) şüalarının vaxtından əvvəl qocalma, ləkələr və dəri xərçəngi kimi ciddi problemlərə yol aça biləcəyini bildirib.
Günəşdən qoruyucu istifadə mütləqdir: Günəşə çıxmadan 15-20 dəqiqə əvvəl ən az 30 SPF-li günəşdən qoruyucu kremdən istifadə edin və hər 2-3 saatdan bir yeniləyin.
Dərinizi müntəzəm olaraq təmizləyin: Dərinizi gündə iki dəfə, səhər və axşam uyğun bir təmizləyici ilə yuyaraq məsamələrin tıxanmasının qarşısını alın.
Nəmləndirici kremə laqeyd yanaşmayın: Yay istisində belə dərinizin nəm balansını yüngül, su əsaslı nəmləndiricilərlə qoruyun.
Günəşə məruz qaldıqdan sonra qulluq: Dərinizi günəşə məruz qaldıqdan sonra nəmləndirici losyon və ya tərkibində aloe vera olan məhsullarla sakitləşdirin.
Qidalanmanıza diqqət edin: Tərkibində çox su olan tərəvəz və meyvələrdən istifadə edin, işlənmiş qidalardan uzaq durun.
Düzgün paltar seçin: Pambıq və açıq rəngli paltar seçin. Həmçinin şapka və günəş eynəyi taxın.
Makiyajı azaldın: Ağır makiyaj əvəzinə dəriniz yüngül məhsullarla nəfəs alsın və gecə mütləq təmizləyin.
Bol su için: Gündəlik 2-2,5 litr su içmək həm dərinin nəmlənməsi, həm də toksinlərin çıxarılması üçün vacibdir.
Kifayət qədər yuxu alın, stressi idarə edin: gündə 7-8 saat keyfiyyətli yuxu dərinin yenilənməsini dəstəkləyir. Stress üçün gəzinti, meditasiya və hobbilərdən yararlanın.
Doktor Kükürt yay aylarında dəri sağlamlığı üçün bu əsas addımların böyük fərq yaradacağını vurğulayaraq, müntəzəm dermatoloji müayinələrin laqeyd edilməməsi lazım olduğunu xatırladıb.
Aygün
BakuPost
Ən Çox Oxunanlar
Yeni Xəbərlər
