Yüksək xolesterolun gizli əlaməti - Həkimə müraciət edin
- 2025.09.04 13:49
- 133 Baxış
Yüksək xolesterol qan dövranına təsir edərək əllərdə soyuqluq hissi yarada bilər.
Medicina.az xəbər verir ki, bu, periferik arteriya xəstəliyi kimi ürək-damar problemlərinin erkən əlaməti ola bilər. Yüksək xolesterinin digər əlamətlərinə ayaqda uyuşma, dəridə sarımtıl ləkələr, gec sağalan yaralar və səbəbsiz yorğunluq daxildir. Bu əlamətləri görsəniz, xolesterin testi və həkim müayinəsi vacibdir.
Yüksək xolesterol heç bir aşkar simptomlara səbəb olmadan irəliləyir. "Pis xolesterol" olaraq bilinən aşağı sıxlıqlı lipoprotein (LDL) damarlarda lövhə yığılmasına səbəb ola bilər. Bu lövhələr qan damarlarını daraldır, əllərə və ayaqlara qan axınının qarşısını alır. Nəticədə əlləriniz soyuq ola bilər, xüsusən isti havalarda belə...
"BMC Complementary and Alternative Medicine" jurnalında dərc edilən bir araşdırma göstərir ki, yüksək xolesterolu olan hər kəs bu soyuq hissi yaşamaz.
Qeyd edək ki, periferik arteriya xəstəliyi (PAD) ciddi bir vəziyyətdir. PAD, ilk növbədə, qollar və ayaqlarda qan damarlarına təsir göstərir. Əllərinizdə soyuqluq, solğunluq və ya uyuşma kimi simptomlar bu xəstəliyin ilkin əlamətləri ola bilər. Müalicə edilməzsə, bu vəziyyət toxumalara zərər verə və infarkt kimi daha ciddi problemlərə səbəb ola bilər.
Soyuq əllər yüksək xolesterolun yeganə əlaməti deyil...
Barmaqlarda və ya ayaq barmaqlarında uyuşma.
Göz ətrafında və ya oynaqlarda sarı dəri ləkələri.
Xüsusilə əllərdə və ya ayaqlarda gec sağalan yaralar.
Gənc fərdlərdə buynuz qişanın ətrafında boz və ya ağ halqalar.
Səbəbsiz yorğunluq və ya nəfəs darlığı..
Aygün
Medicina.az
Ən Çox Oxunanlar
Yeni Xəbərlər
