35 gün əsirlikdə olmuş Vətən müharibəsi qazisi ata oldu - VİDEO
- 2023.10.11 08:59
- 4822 Baxış
44 günlük Vətən müharibəsinin qazisi Mobil Əhmədzadənin övladı dünyaya gəlib.
Medicina.az xəbər verir ki, bu barədə "Caspian International Hospital"ın mama-ginekoloqu, qazi xanımının həkimi Nigar Əlizadə öz şəxsi instagram hesabından paylaşım edib.
Yeni doğulmuş körpəyə Xəlil adı verilib.
Öz körpəsini evə aparmaq üçün klinikaya gələn qazini “Caspian”ın həkim və işçi heyəti hərarətli alqışlarla yola salıblar.
Qeyd edək ki, 44 günlük Zəfər Savaşında tank mərmisinə tuş gələn 1999-cu il təvəllüdlü leytenant Mobil Əhmədzadə hər iki ayağından yaralanmışdı. 5 gün meşədə, düşmən mühasirəsində qaldıqdan sonra isə əsir düşmüşdü. Əsirlikdə sağ ayağı amputasiya olunan hərbçimiz 35 gün əsirlikdə qaldıqdan sonra Azərbaycana qaytarılmışdı.
Ən Çox Oxunanlar
Yeni Xəbərlər
